Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Jan 2017

SEED-місія МАГАТЭ 16-20 студзеня ацэніць пляцоўку БелАЭС у Астраўцы

13 студзеня, Мінск /Уладзімір Мацвееў - БЕЛТА/. SEED-місія МАГАТЭ 16-20 студзеня ацэніць пляцоўку БелАЭС у Астраўцы. Аб гэтым сёння заявіў журналістам начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.

"На наступным тыдні ў Беларусь прыбудзе місія МАГАТЭ па ацэнцы праектавання пляцоўкі АЭС з улікам знешніх падзей (так званая місія SEED). Па запыце дзяржавы-члена МАГАТЭ місія SEED прадастаўляе комплекснае садзейнічанне на розных стадыях рэалізацыі ядзерна-энергетычных праектаў. Гэта місія забяспечвае незалежны агляд ацэнкі пляцоўкі і праектнай бяспекі ядзернай устаноўкі ў дачыненні да прыродных і выкліканых чалавечым фактарам знешніх і ўнутраных небяспечных з'яў", - адзначыў прэс-сакратар.

Паводле яго слоў, з 16 па 20 студзеня эксперты МАГАТЭ ацэняць з пункту гледжання міжнародных патрабаванняў бяспекі ўстойлівасць Астравецкай пляцоўкі, а таксама сістэм, структур і кампанентаў будуемай АЭС адносна знешніх і ўнутраных рызык і пагроз. У тым ліку будзе ацэнены "запас бяспекі", закладзены ў праекце з улікам постфукусімскага вопыту.

"Беларусь запрасіла місію SEED яшчэ ў 2014 годзе ў якасці меры па павышэнні даверу да нашай першай АЭС. Пры гэтым мы пайшлі насустрач пажаданням нашай суседкі Літвы для ўсебаковай і прафесійнай ацэнкі ўсіх аспектаў бяспекі будучай станцыі", - падкрэсліў Дзмітрый Мірончык.

Як паведамлялася, у снежні 2016 года аб гатоўнасці Беларусі ў студзені 2017-га прыняць на пляцоўцы АЭС у Астраўцы SEED-місію МАГАТЭ ў інтэрв'ю БЕЛТА заявіў міністр энергетыкі Уладзімір Патупчык. "Па рэкамендацыях Камітэта па ажыццяўленні Канвенцыі Эспа ў студзені 2017 года адбудзецца місія МАГАТЭ па разглядзе пляцоўкі АЭС з улікам знешніх падзей (місія SEED)", - расказаў міністр.

Таксама паводле інфармацыі міністра ў 2017 годзе па запыце Беларусі адбудзецца шэраг ацэначных місій МАГАТЭ, у тым ліку па аварыйнай гатоўнасці (EPREV), дзяржаўнай сістэме ўліку і кантролю ядзерных матэрыялаў (ISSAS), будзе ажыццёўлена падрыхтоўка да місіі па разглядзе пытанняў эксплуатацыйнай бяспекі (Pre-OSART) і місіі па ацэнцы нацыянальнай інфраструктуры ядзернай энергетыкі (місія INIR).

У рамках праекта тэхнічнага супрацоўніцтва МАГАТЭ "Падтрымка чалавечых рэсурсаў і развіццё інфраструктуры для ўводу ў эксплуатацыю першай АЭС" запланаваны шэраг экспертных місій агенцтва, у тым ліку па пытаннях кіравання фінансавымі рызыкамі, аглядзе стратэгіі абыходжання з радыеактыўнымі адходамі і адпрацаваным ядзерным палівам і іншых рэкамендаваных МАГАТЭ напрамках.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі