Бізнес-навіны
Русы: Беларусь і Аджарыя змогуць выйсці на тавараабарот у памеры $200 млн
20 лістапада, Мінск /Юлія Огнева - БЕЛТА/. Беларусь і Аджарыя змогуць выйсці на тавараабарот у памеры $200 млн. Упэўненасць у гэтым выказаў намеснік прэм'ер-міністра Беларусі Міхаіл Русы на форуме "Мінск-Батумі", які праходзіць сёння ў беларускай сталіцы, перадае карэспандэнт БЕЛТА.
"Фармат бізнес-форумаў стаў практычнай падтрымкай рэалізацыі дамоўленасцей, якія былі дасягнуты ў час візіту кіраўніка дзяржавы Аляксандра Лукашэнкі ў Грузію на сустрэчы двух прэзідэнтаў. Нам была пастаўлена задача выйсці на тавараабарот як мінімум $200 млн. Гэта цяжка, але нам пад сілу", - адзначыў Міхаіл Русы. Паводле яго слоў, асноўная задача - максімальна актывізаваць гандлёва-эканамічнае ўзаемадзеянне па ўсіх напрамках.
Міхаіл Русы канстатаваў, што павелічэнне ўзаемных продажаў - гэта ўсяго толькі крок, накіраваны на актывізацыю супрацоўніцтва. "Наша задача - выйсці на карпаратыўныя адносіны, на стварэнне сумесных прадпрыемстваў, на выкарыстанне сумеснай пляцоўкі адной краіны для папулярызацыі сваіх тавараў і паслуг іншай краінай. І водгук у бізнесу ўжо ёсць", - запэўніў віцэ-прэм'ер.
У якасці прыкладу супрацоўніцтва ён прывёў кантракт на пастаўку ў Беларусь аджарскага тытуню. "Невялікая колькасць тытуню вырошчваецца ў Аджарыі, але ён нам падыходзіць, кантракт заключылі. Давайце і далей выбудоўваць адносіны: ваш тытунь, нашы цыгарэты - прадаём разам", - прапанаваў Міхаіл Русы.
Таксама ён адзначыў вялікі патэнцыял у турыстычнай сферы.
версія для друку
зрабіць стартавай
дабавіць у выбранае