Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Крс 2020

Румас прапануе нацэліцца на сур'ёзную дэдаларызацыю эканомікі ЕАЭС

Румас прапануе нацэліцца на сур'ёзную дэдаларызацыю эканомікі ЕАЭС
Сяргей Румас. Фота з архiва

10 красавіка, Мінск /Кар. БЕЛТА/. Прэм'ер-міністр Беларусі Сяргей Румас лічыць неабходным нацэліцца на сур'ёзную дэдаларызацыю эканомікі Еўразійскага эканамічнага саюза, асабліва гэта датычыцца паліўна-энергетычных і сыравінных тавараў. Аб гэтым ён заявіў сёння на пасяджэнні Еўразійскага міжурадавага савета ў фармаце відэаканферэнцыі, перадае карэспандэнт БЕЛТА.

"Трэба быць гатовым да аператыўнага вырашэння пытанняў, якія ў раней камфортных умовах мы пакідалі на потым. Трэба нацэліцца на сур'ёзную дэдаларызацыю эканомікі саюза, кардынальна павялічыўшы фарміраванне цэн і разлікаў за пастаўляемыя ў рамках рынку ЕАЭС тавары і паслугі ў нацыянальных валютах. Асабліва гэта датычыцца паліўна-энергетычных і сыравінных тавараў", - адзначыў Сяргей Румас.

Паводле яго слоў, пандэмія прадэманстравала важнасць правядзення ў ЕАЭС агульных палітык у сферы прамысловасці і аграпрама, сумесных праграм імпартазамяшчэння ў важнейшых для эканомікі і жыццезабеспячэння галінах.

"Відавочна, што бліжэйшыя прагнозы па развіцці нацыянальных эканомік негатыўныя. Сёння няма адназначных ацэнак па тэрмінах і цане для пераадолення пандэміі. Нельга выключаць, што мы проста вымушаны будзем стаць як мінімум на час агульным, але пры гэтым самадастатковым рынкам", - лічыць кіраўнік беларускага ўрада.

Сяргей Румас лічыць, што экспертны і фінансавы рэсурсы Еўразійскага банка развіцця і Еўразійскага фонду стабілізацыі і развіцця павінны быць актыўней уключаны ў агульную работу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі