У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

1 Крс 2019

Румас: перашкод для запуску Нежынскага ГАКа ў тэрмін няма

Румас: перашкод для запуску Нежынскага ГАКа ў тэрмін няма

1 красавіка, Любанскі раён /Кар. БЕЛТА/. Перашкод для запуску Нежынскага горна-абагачальнага комплексу ў тэрмін няма, заявіў журналістам прэм'ер-міністр Беларусі Сяргей Румас 30 сакавіка ў час наведвання будаўнічай пляцоўкі Нежынскага ГАКа, перадае карэспандэнт БЕЛТА.

Гэты адзін з найбуйнейшых у Беларусі інвестпраектаў рэалізуе ЗТАА "Славкалій", мэта візіту кіраўніка ўрада на пляцоўку будаўніцтва - ацаніць ход работ. "У сувязі з больш познім асваеннем інвестыцый па гэтым праекце інвестар звярнуўся ва ўрад з прапановай павялічыць тэрміны выбаркі сродкаў і, адпаведна, крыху перанесці  тэрміны ўводу аб'екта ў эксплуатацыю. Сёння мы сустрэліся з інвестарам, каб высветліць, наколькі абгрунтавана змяненне тэрмінаў і якія рызыкі для рэалізацыі інвестпраекта яно нясе", - растлумачыў Сяргей Румас.

У асноўным на аб'екце працуюць беларускія будаўнікі і нямецкія наладчыкі абсталявання. "Мы змаглі пераканацца, што графік работ выконваецца і няма нейкіх перашкод для таго, каб у заяўленыя інвестарам тэрміны аб'ект быў уведзены ў эксплуатацыю", - сказаў кіраўнік урада.

Паводле яго ацэнкі, з запускам Нежынскага ГАКа Беларусь стане больш значным іграком на сусветным рынку калію. "Больш таго, атрыманыя тут калійныя ўгнаенні будуць прадавацца праз адзінага трэйдара - Беларускую калійную кампанію, што таксама дасць магчымасць ёй стаць больш значным іграком на рынку", - заявіў Сяргей Румас.

"Калійныя ўгнаенні, якія будуць вырабляцца на Нежынскім ГАКу, характарызуюцца вельмі высокай якасцю. Рынак калійных угнаенняў знаходзіцца на ўздыме, мы бачым, што новыя кантракты заключаюцца па больш высокай цане і, вядома, спадзяёмся, што гэты інвестпраект унясе свой уклад у развіццё краіны", - адзначыў прэм'ер-міністр.

Паводле слоў старшыні савета дырэктараў ЗТАА "Славкалій" Міхаіла Гуцарыева, Нежынскі ГАК будзе сучаснай і эфектыўнай вытворчасцю. "У прынцыпе, усё ідзе, як мы хацелі. Гэта такі аб'ект, што і спяшацца, і спазняцца нельга, ісці лепш па графіку, каб праектная дакументацыя адпавядала тэрмінам будаўніцтва, а якасць работ была на высокім узроўні", - сказаў ён. Будзе створана каля 2,5 тыс. рабочых месцаў, прадугледжана будаўніцтва пяці жылых дамоў у Любані.

Нежынскі горна-абагачальны комплекс будуецца на базе Старобінскага радовішча калійных солей. Гэта будзе другое прадпрыемства ў Беларусі па здабычы калійнай руды і вытворчасці калійных угнаенняў магутнасцю да 2 млн т хларыду калію ў год. Інвестпраект прадугледжвае будаўніцтва горназдабыўнога комплексу, абагачальнай фабрыкі, электрастанцыі, чыгуначнай, аўтадарожнай, жыллёвай і іншай інфраструктуры.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс