У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

30 Крс 2015

Румас: Магчымасці Беларусі могуць у значнай ступені задаволіць патрэбнасці эканомікі Лаоса

30 красавіка, Мінск /Таццяна Пастушэнка - БЕЛТА/. Магчымасці Беларусі могуць у значнай ступені задаволіць патрэбнасці эканомікі Лаоса. Аб гэтым заявіў сёння старшыня праўлення ААТ "Банк развіцця Рэспублікі Беларусь" - сустаршыня сумеснай камісіі па двухбаковым супрацоўніцтве паміж урадамі Беларусі і Лаоса Сяргей Румас на другім пасяджэнні камісіі ў Мінску, перадае карэспандэнт БЕЛТА.

Паводле слоў Сяргея Румаса, існуючы патэнцыял двухбаковага супрацоўніцтва ў многіх сферах застаецца нерэалізаваным. "Наш тавараабарот, на жаль, таксама не вызначаецца стабільнасцю, - заўважыў ён. - У 2014 годзе хоць мы і выйшлі на дванаццаціразовы рост тавараабароту, але два месяцы бягучага года паказваюць, што сур'ёзных паставак па экспарце і імпарце паміж нашымі краінамі пакуль не назіраецца. Нягледзячы на гэта мы бачым перспектывы гандлёва-эканамічных адносін, і магчымасці Беларусі могуць у значнай ступені задаволіць патрэбнасці эканомікі Лаоса".

Сустаршыня камісіі з беларускага боку адзначыў, што ў краіне ўдзяляецца вялікая ўвага развіццю прамысловасці, сельскай гаспадаркі, навукова-тэхналагічнай базы. "Менавіта гэтыя сферы і імкнецца развіваць на цяперашнім этапе лаоскі бок, таму мы гатовы прапанаваць вам вопыт і існуючыя ў нас веды ў гэтых сферах. Гэты фактар у тым ліку сведчыць аб узаемадапаўняльнасці эканомік дзвюх краін", - лічыць Сяргей Румас.

Так, у першую чаргу Беларусь зацікаўлена ў пашырэнні наменклатуры экспарту сваёй прадукцыі па тых пазіцыях, якія лаоскі бок сёння імпартуе з іншых краін, - шыны, вырабы нафтахімічнага комплексу, сельскагаспадарчая і грузавая тэхніка, рухавікі, прадукты харчавання, сухое малако і інш. "Па гэтых пазіцыях Лаос робіць закупкі, і мы справядліва лічым, што якасная беларуская прадукцыя магла б паспяхова канкурыраваць з таварамі з трэціх краін", - сказаў Сяргей Румас, звярнуўшы асаблівую ўвагу на патэнцыял супрацоўніцтва па частцы гандлю машынабудаўнічай тэхнікай, якую можа прапанаваць Беларусь. "Пакуль, на жаль, гэта адзінкавыя пастаўкі, але, улічваючы, што паміж Банкам развіцця і Банкам знешняга гандлю заключана пагадненне аб фінансаванні экспарту ў Лаос, думаем, што гэта створыць перадумовы для больш буйных кантрактаў для нашых прадпрыемстваў-экспарцёраў. Гэта ў першую чаргу МТЗ, МАЗ і "Амкадор", - растлумачыў сустаршыня сумеснай камісіі.

У цэлым, паводле яго слоў, Беларусь разглядае дыялог з Лаосам у якасці важнейшага напрамку знешняй палітыкі ў Паўднёва-Усходняй Азіі і высока ацэньвае вынікі першага ў гісторыі дыпламатычных адносін візіту Прэзідэнта Лаоскай Народна-Дэмакратычнай Рэспублікі Цюмалі Сайнясона летам 2013 года. "Цяпер Міністэрства замежных спраў прапрацоўвае магчымасць візіту ў адказ кіраўніка беларускай дзяржавы ў Лаос з улікам графіка міжнародных візітаў", - адзначыў Сяргей Румас.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску