Бізнес-навіны

Рознічны тавараабарот у Беларусі ў студзені-маі вырас на 9,3 працэнта

An archive photo

16 чэрвеня, Мінск /Кар. БЕЛТА/. У Беларусі рознічны тавараабарот у студзені - маі 2025 года склаў Br39,7 млрд, або 109,3 працэнта ў супастаўных цэнах да ўзроўню студзеня - мая 2024 года. Аб гэтым паведамілі БЕЛТА ў Нацыянальным статыстычным камітэце.

Аднадзённы рознічны тавараабарот у разліку на душу насельніцтва з пачатку года склаў Br28,8 супраць Br25,3 за аналагічны перыяд папярэдняга года.

Рознічны тавараабарот арганізацый гандлю, на які прыпала 95,6 працэнта рознічнага тавараабароту рэспублікі, у студзені - маі склаў Br37,9 млрд, або 110,1 у супастаўных цэнах ад адпаведнага перыяду папярэдняга года.

Аптовы тавараабарот у студзені - маі склаў Br72,2 млрд, або 95,3 працэнта ў супастаўных цэнах да ўзроўню студзеня - мая 2024 года.

Тавараабарот грамадскага харчавання ў студзені - маі 2025 года склаў Br2,8 млрд, або 105 працэнтаў у супастаўных цэнах да ўзроўню студзеня - мая 2024 года.

версія для друку

зрабіць стартавай

дабавіць у выбранае