Бізнес-навіны

Рэзідэнтамі СЭЗ у Беларусі з'яўляюцца амаль 440 арганізацый

Фота з архiва

14 лютага, Мінск /Кар. БЕЛТА/. У якасці рэзідэнтаў шасці свабодных эканамічных зон Рэспублікі Беларусь зарэгістравана 439 арганізацый. Аб гэтым паведамілі БЕЛТА ў Нацыянальным статыстычным камітэце.

У Белстаце расказалі, што на долю СЭЗ у рэспубліканскіх паказчыках, паводле ацэнкі за 2024 год, прыпадае 5,3 працэнта валавога ўнутранага прадукту, 19,2 працэнта аб'ёму прамысловай вытворчасці, 3,8 працэнта інвестыцый у асноўны капітал, а таксама 21,9 працэнта экспарту тавараў.

Больш за ўсё рэзідэнты СЭЗ заняты ў сферы апрацоўчай прамысловасці (86,4 працэнта), на другім месцы - гандаль (4 працэнты). Усяго ў 2024 годзе сярэдняя зарплата работнікаў склала больш за Br2,4 тыс., а ўсяго ў арганізацыях працавалі больш за 136 тыс. чалавек.

версія для друку

зрабіць стартавай

дабавіць у выбранае