Бізнес-навіны

Пскоўскі бізнес зацікавіўся супрацоўніцтвам з беларускімі прадпрыемствамі

Фота БелГПП

4 лютага, Мінск /Кар. БЕЛТА/. Беларускія дзелавыя колы наведалі Вялікія Лукі і Пскоў (Расія). Візіт быў арганізаваны Гомельскім аддзяленнем Беларускай гандлёва-прамысловай палаты сумесна з Гандлёва-прамысловай палатай Пскоўскай вобласці, паведамілі БЕЛТА ў БелГПП.

У рамках кантактнай пскоўска-беларускай біржы праведзены сустрэчы з прэзідэнтам ГПП Пскоўскай вобласці Уладзімірам Зубавым і прадстаўнікамі дзяржаўных і прыватных структур Пскоўскай вобласці. Ад расійскіх прадпрыемстваў у перагаворах з мэтай далейшага ўзаемавыгаднага супрацоўніцтва ўдзельнічалі больш за 80 прадстаўнікоў кампаній. Беларуская дэлегацыя наведала тры расійскія вытворчыя прадпрыемствы.

У час канферэнцыі пскоўскі бок выказаў жаданне супрацоўнічаць з такімі беларускімі прадпрыемствамі, як "Гомельбудматэрыялы", "Зеленаборскае", Беларускі дзяржаўны ўніверсітэт транспарту, санаторый "Ружанскі" і інш.

версія для друку

зрабіць стартавай

дабавіць у выбранае