Бізнес-навіны

Продажы беларускага бензіну на Пецярбургскай біржы выраслі ў 26 разоў

Фота з архiва

2 чэрвеня, Мінск /Кар. БЕЛТА/. Сумарны аб'ём продажаў бензіну вытворчасці НПЗ Беларусі на Пецярбургскай біржы ў маі гэтага года дасягнуў 23,64 тыс. т, што ў 26 разоў больш, чым на год раней (0,9 тыс. т). Такія даныя прыводзіць ТАСС са спасылкай на Нацыянальнае біржавое цэнавае агенцтва.

Адзначаецца, што адносна красавіка 2026 года аб'ём рэалізацыі беларускага бензіну на біржавых таргах у маі павялічыўся на 3,36 тыс. т, або на 16,6 працэнта.

Паводле інфармацыі агенцтва, аб'ём продажаў дызеля вытворчасці НПЗ Беларусі ў маі бягучага года на біржы склаў 49,86 тыс. т супраць 15,54 тыс. т на год раней - рост у тры разы ў гадавым параўнанні. Адносна красавіка 2026-га аб'ём продажаў дызеля таксама значна павялічыўся - у красавіку было прададзена 15,12 тыс. т.

"Рэалізацыя беларускага прадукту аказвае падтрымку ў забеспячэнні палівам унутранага расійскага рынку ў перыяд высокага попыту (напрыклад, па выніках 2025 года максімальныя аб'ёмы продажаў беларускага бензіну адзначаліся ў кастрычніку - снежні ад 35,34 тыс. т да 37,2 тыс. т)", - адзначылі ў агенцтве.

версія для друку

зрабіць стартавай

дабавіць у выбранае