У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

29 Чэр 2019

Прэзідэнту Таджыкістана на МТЗ паказалі выстаўку беларускай тэхнікі

Прэзідэнту Таджыкістана на МТЗ паказалі выстаўку беларускай тэхнікі

29 чэрвеня, Мінск /Аліна Грышкевіч - БЕЛТА/. Прэзідэнт Таджыкістана Эмамалі Рахмон сёння наведаў Мінскі трактарны завод, дзе азнаёміўся з выстаўкай сучаснай беларускай тэхнікі розных вытворцаў, перадае карэспандэнт БЕЛТА.

Кіраўнік таджыкістанскай дзяржавы з цікавасцю агледзеў узоры трактароў і іншай тэхнікі холдынга "МТЗ-Холдынг". Асаблівую ўвагу прыцягнуў новы трактар Belarus-5022 з рухавіком больш за 500 к.с., які цяпер знаходзіцца на выпрабаваннях. Эмамалі Рахмон вельмі ўважліва азнаёміўся з тэхнікай і абсталяваннем да яе. Яго, у прыватнасці, цікавіла, наколькі яна можа быць выкарыстана ў Таджыкістане.

Таджыкістанскі лідар адзначыў, што з улікам таго, што ў краіне інтэнсіўна вядзецца будаўніцтва, у тым ліку дарог, газаправодаў, развіваецца сельская гаспадарка, беларуская тэхніка вельмі патрэбна. На яго думку, у Таджыкістане неабходна павялічыць зборку беларускай тэхнікі. У час экскурсіі ён па тэлефоне звязаўся з прэм'ер-міністрам і даў даручэнне прапрацаваць гэта пытанне.

Першы намеснік міністра прамысловасці Беларусі Генадзь Свідзерскі выказаў зацікаўленасць у далейшым пашырэнні кантактаў у гэтай сферы з таджыкістанскім бокам.

Па выніках наведвання МТЗ Эмамалі Рахмон пакінуў запіс у Кнізе ганаровых гасцей.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску