Бізнес-навіны
Прэзідэнт Беларусі: У аснове кожнага новага рашэння краін СНД павінна быць акупнасць
28 кастрычніка, Мінск /Аліна Грышкевіч - БЕЛТА/. У аснове кожнага новага рашэння краін СНД павінна быць эканамічная мэтазгоднасць і фінансавая акупнасць. Аб гэтым заявіў сёння Прэзідэнт Беларусі Аляксандр Лукашэнка на сустрэчы з кіраўнікамі ўрадавых дэлегацый ЕАЭС і СНД, перадае карэспандэнт БЕЛТА.
"У Бішкеку кіраўнікі дзяржаў далі ўрадам сігнал аб неабходнасці пошуку новых, сучасных імпульсаў развіцця СНД, аб павышэнні эфектыўнасці работы органаў Садружнасці. Усё непатрэбнае і неэфектыўнае неабходна пакінуць у мінулым", - падкрэсліў Аляксандр Лукашэнка.
Паводле яго слоў, апошнія гады пастаянна адзначаюцца праблемы з паўнатой фарміравання бюджэту органаў СНД. Прэзідэнт Беларусі лічыць, што адной з прычын гэтага з'яўляецца адсутнасць інавацыйных ідэй і яркіх вынікаў у сферах узаемадзеяння Садружнасці. "Адсюль і зніжэнне інтарэсу да фінансавання СНД", - выказаў меркаванне кіраўнік дзяржавы.
Аляксандр Лукашэнка перакананы, што патрэбны амбіцыйныя задачы. "Неабходны агульныя кропкі эканамічнага росту, заснаваныя на прынцыпах вытворчага, інвестыцыйнага і навуковага ўзаемадзеяння".
версія для друку
зрабіць стартавай
дабавіць у выбранае