У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Чэр 2019

Праграма Сусветнага банка па падтрымцы прыватнага сектара ў Беларусі дапаможа 5 кластарным ініцыятывам

Праграма Сусветнага банка па падтрымцы прыватнага сектара ў Беларусі дапаможа 5 кластарным ініцыятывам

14 чэрвеня, Мінск /Кар. БЕЛТА/. Пяць перспектыўных кластарных ініцыятыў адабраны для ўдзелу ў праграме падтрымкі развіцця прыватнага сектара ў Беларусі, якая рэалізуецца Сусветным банкам пры фінансаванні Еўрапейскага саюза, паведамілі БЕЛТА ў Міністэрстве эканомікі.

Пасля экспрэс-ацэнкі і інтэрв'юіравання 12 чэрвеня былі выбраны пяць ініцыятыў у прыярытэтных сектарах - медыцына, фармацэўтыка і біятэхналогіі; прыборабудаванне і робататэхніка; аграрная і зялёная эканоміка; інфармацыйна-камунікацыйныя тэхналогіі. Гэтыя праекты будуць удзельнічаць у далейшых мерапрыемствах праграмы. 13 чэрвеня адбыўся ўстановачны семінар, на якім быў прэзентаваны пералік праектных мерапрыемстваў у галіне кластарнага развіцця.

У час сумеснай работы эксперты Сусветнага банка і прадстаўнікі Беларусі абмяняліся меркаваннямі па ключавых аспектах кластарнага развіцця. "Удзельнікі абмеркавалі канцэптуальна-метадалагічныя падыходы да ацэнкі канкурэнтаздольнасці нацыянальнай эканомікі і выкарыстання кластарнай мадэлі развіцця ў якасці эфектыўнага інструмента павышэння ўзроўню канкурэнтаздольнасці як асобных суб'ектаў гаспадарання, так і сацыяльна-эканамічнай сістэмы Беларусі ў цэлым", - адзначылі ў Мінэканомікі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску