У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Ліс 2016

Праект па інстытуалізацыі венчурнага фінансавання на $2,5 млн стартуе ў Беларусі

16 лістапада, Мінск /Юлія Огнева - БЕЛТА/. Праект па інстытуалізацыі венчурнага фінансавання на $2,5 млн стартуе ў Беларусі, заявіў сёння журналістам кіраўнік праграм USAID у Беларусі Мэцью Самптэр, перадае карэспандэнт БЕЛТА.

"У праекце выкарыстоўваецца шырокае паняцце венчурнага інвесціравання. Плануецца пашыраць лепшыя міжнародныя практыкі ў рэгуляванні і выкарыстанні венчурнага фінансавання, навучаць асноўным рызыкам. Таксама прадугледжваецца прафесійны абмен з калегамі, дапамога ў развіцці супольнасці мясцовых венчурных інвестараў і стварэнні мясцовага або рэгіянальнага венчурнага фонду, калі будуць умовы", - сказаў Мэцью Самптэр. Таксама, паводле яго слоў, плануецца дапамагаць стартапам у пошуках мясцовых і міжнародных венчурных інвестараў.

"Праект не створыць эфектыўны рынак венчурнага капіталу за адзін дзень. Неабходны дадатковыя намаганні ад урада і прыватных суб'ектаў. Мы гатовы прайсці гэты шлях разам", - запэўніў Мэцью Самптэр.

Праект будзе рэалізоўваць група кампаній "Белбіз" сумесна з партнёрамі. Яго прэзентацыя адбылася ў час Сусветнага тыдня прадпрымальніцтва ў Беларусі, які праходзіць 14-20 лістапада пры падтрымцы Міністэрства эканомікі і ААТ "Банк развіцця Рэспублікі Беларусь".

Венчурнае фінансаванне - гэта доўгатэрміновыя (5-7 гадоў) высокарызыкоўныя інвестыцыі прыватнага капіталу ў акцыянерны капітал новаствараемых малых высокатэхналагічных перспектыўных кампаній (або венчурных прадпрыемстваў, якія ўжо добра зарэкамендавалі сябе), арыентаваных на распрацоўку і вытворчасць навукаёмістых прадуктаў, для іх развіцця і пашырэння, з мэтай атрымання прыбытку ад прыросту кошту ўкладзеных сродкаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску