Бізнес-навіны

Прадпрыемствы "Беллеспаперапрама" разлічваюць заключыць доўгатэрміновыя кантракты на пастаўкі ў ЗША

Фота з архiва

8 верасня, Мінск /Кар. БЕЛТА/. Прадпрыемствы "Беллеспаперапрама" разлічваюць заключыць доўгатэрміновыя кантракты на пастаўкі ў ЗША, паведамілі БЕЛТА ў прэс-службе канцэрна.

"Прадукцыя прадпрыемстваў канцэрна "Беллеспаперапрам" становіцца ўсё больш запатрабаванай на рынку Злучаных Штатаў Амерыкі. На бягучым тыдні, з 7 па 12 верасня, канцэрн прымае дэлегацыю дзелавых колаў гэтай краіны. У ходзе візіту амерыканскія бізнесмены плануюць заключыць доўгатэрміновыя кантракты аб супрацоўніцтве. Рынак ЗША для прадпрыемстваў "Беллеспаперапрама" адносна новы, але вельмі перспектыўны", - сказалі ў канцэрне.

Першыя пастаўкі мэблі і фанеры ў ЗША, нягледзячы на значную адлегласць, сябе апраўдалі і за сем месяцаў бягучага года павялічыліся ў некалькі разоў. "Гэта сведчыць аб тым, што пры дэталёвай прапрацоўцы затрат на вытворчасць прадукцыі і аптымальных схем паставак экспарт у ЗША можа быць выгадным і яго трэба развіваць. Упэўнены ў гэтым і амерыканскія партнёры. Свой візіт у Беларусь яны ажыццяўляюць з мэтай вывучэння патэнцыялу мэблевых і дрэваапрацоўчых прадпрыемстваў канцэрна для доўгатэрміновага супрацоўніцтва і стабільнай пастаўкі неабходнай для рынку ЗША прадукцыі", - падкрэслілі ў канцэрне.

У прыватнасці, вялікую цікавасць выклікае беларуская мэбля і драўлянае домабудаванне. Амерыканская дэлегацыя наведае такія мэблевыя прадпрыемствы канцэрна, як ЗАТ "ХК "Пінскдрэў", ЗАТ "Маладзечнамэбля" і яго філіял "Вілейская мэблевая фабрыка", СТАА "ЗОЎ-ЛенЕўрамэбля" ў Гродне. Таксама госці азнаёмяцца з ААТ "Барысаўскі ДАК", ААТ "Буддэталі" і вытворчасцю "Домабудаванне" РУП "Завод газетнай паперы". Перагаворы з кіраўніцтвам канцэрна "Беллеспаперапрам" і лагістычнай кампаніі адбудуцца 10 верасня. Будуць абмеркаваны ўсе дэталі супрацоўніцтва і арганізацыі паставак прадукцыі прадпрыемстваў канцэрна ў ЗША.

версія для друку

зрабіць стартавай

дабавіць у выбранае