Бізнес-навіны

Прадпрыемствы "Беллеспаперапрама" ў 2021 годзе павялічылі экспарт на 48,2 працэнта

Фота з архiва

17 лютага, Мінск /Кар. БЕЛТА/. Прадпрыемствы "Беллеспаперапрама" ў 2021 годзе павялічылі экспарт на 48,2 працэнта. Аб гэтым паведаміў старшыня канцэрна Міхаіл Касько ў час пасяджэння савета канцэрна, перадае карэспандэнт БЕЛТА.

У 2021 годзе канцэрнам выкананы ўсе ўстаноўленыя паказчыкі сацыяльна-эканамічнага развіцця. "Экспарт прадпрыемстваў канцэрна вырас на 48,2 працэнта", - расказаў Міхаіл Касько. У вартасным выражэнні пастаўкі за мяжу наблізіліся да $1 млрд.

Індэкс прамысловай вытворчасці па выніках года склаў 110,7 працэнта пры ўзгодненым заданні 106,1 працэнта.

Імпартазамяшчальную прадукцыю вырабляюць 26 прадпрыемстваў па 50 таварных пазіцыях, сярод якіх цэлюлоза, ДСП, ДВП (МДФ), фанера, немелаваная папера і кардон, гафрыраваны кардон і скрыні з яго, папяровыя мяшкі, негафрыраваны кардон, папера газетная і санітарна-гігіенічнага прызначэння, вырабы з яе. За 2021 год тэмп росту аб'ёму выпуску імпартазамяшчальнай прадукцыі па канцэрне склаў 163 працэнты да 2020 года.

версія для друку

зрабіць стартавай

дабавіць у выбранае