Бізнес-навіны

Попыт на ахоўныя вырабы ў Беларусі поўнасцю задаволены - "Беллегпрам"

Фота з архiва

11 мая, Мінск /Кар. БЕЛТА/. Попыт на ахоўныя вырабы ў Беларусі поўнасцю задаволены. Аб гэтым карэспандэнту БЕЛТА паведаміла прэс-сакратар канцэрна "Беллегпрам" Марына Васькевіч.

"Сфарміраваны дастатковы запас масак як медыцынскага, так і бытавога прызначэння, - сказала прэс-сакратар. - Прадпрыемствы лёгкай прамысловасці ў суткі выпускаюць 50 тыс. адзінак ахоўнага адзення для медыкаў - халаты, камбінезоны, шапачкі і бахілы. Можна гаварыць аб тым, што ў пытаннях забеспячэння ахоўнымі вырабамі Беларусь абсалютна не залежыць ад імпарту".

Улічваючы значныя аб'ёмы вытворчасці ахоўных масак у Беларусі, прадпрыемствы пачалі работу па рэалізацыі сваёй прадукцыі на рынках дзяржаў Еўрапейскага саюза і краін СНД. "У прыярытэце застаецца забеспячэнне сродкамі аховы беларускіх грамадзян і ўстаноў аховы здароўя", - падкрэслілі ў "Беллегпраме".

Як паведамлялася раней, пасля дадзеных кіраўніком дзяржавы даручэнняў да вытворчасці ахоўных масак далучылася амаль 100 прадпрыемстваў лёгкай прамысловасці розных форм уласнасці. На 15 красавіка 2020 года сутачны аб'ём вытворчасці дасягаў 2,3 млн штук. На сёння з лютага бягучага года выпушчана амаль 31,5 млн масак.

версія для друку

зрабіць стартавай

дабавіць у выбранае