Бізнес-навіны

Поўная лакалізацыя электробусаў. МАЗ падпісаў пагадненні з расійскай групай кампаній

8 ліпеня, Екацярынбург /Кар. БЕЛТА/. МАЗ падпісаў пагадненні з ТАА "Навукова-вытворчае прадпрыемства "ІТЭЛМА", а таксама з ТАА "Сэрвісны цэнтр Транстэлематыка" і ТАА "Сістэмы Аўтаномнай Энергіі", якія ўваходзяць у групу кампаній "ІТЭЛМА", перадае карэспандэнт БЕЛТА.

Падпісанне пагадненняў адбылося на палях міжнароднай выстаўкі "ІНАПРАМ" у Екацярынбургу, дзе Беларусь прадстаўляе сваю нацыянальную экспазіцыю.

"Група кампаній "ІТЭЛМА" - адзін з вядучых вытворцаў тэлекамунікацыйнага і электроннага абсталявання. Гэтыя кампетэнцыі нам неабходны для актывізацыі на сённяшнім этапе развіцця аўтатранспартнай тэматыкі. Яны робяць для нашых машын электроніку, акумулятарныя батарэі, зарадныя ўстройствы. А мы бяром на сябе кузаў, восі, масты - словам, усю механіку. Так выглядае наша сумесная работа. Такім чынам мы сумесна кіруем сабекоштам, робім канкурэнтаздольны прадукт і выходзім на рынак", - сказаў генеральны дырэктар ААТ "Мінскі аўтамабільны завод" - кіруючая кампанія холдынга "БЕЛАЎТАМАЗ" Валерый Іванковіч.

Генеральны дырэктар ТАА "НВП "ІТЭЛМА" Аляксей Вараб'ёў адзначыў, што запускаецца сумесны праект, у якім МАЗ будзе выкарыстоўваць напрацоўкі расійскага прадпрыемства ў галіне праграмнага забеспячэння, акумулятарных батарэй, электроннай архітэктуры і ўнутранай электроннай аўтобуснай інфраструктуры. "У рамках гэтага праекта ў нас атрымаўся поўнасцю імпартазамяшчальны прадукт, на 100 працэнтаў лакалізаваны", - падкрэсліў ён.

Мінскім аўтамабільным заводам у рамках супрацоўніцтва з групай кампаній "ІТЭЛМА" ў красавіку 2025 года быў выпушчаны ўнікальны электробус вялікага класа МАЗ 303Е23, які вызначаецца 100-працэнтнай лакалізацыяй у рамках Саюзнай дзяржавы, выкарыстоўваючы выключна беларускія і расійскія камплектуючыя. Асноўныя кампаненты, такія як каркас, дэталі інтэр'ера і экстэр'еру, рабочае месца вадзіцеля, мультыплексная сістэма, тармазныя сістэмы вырабляюцца ў Беларусі, а ўся сілавая частка - у Расіі.

У склад электрычнай платформы вытворчасці ТАА "САЭ" (група кампаній "ІТЭЛМА"), распрацаванай пад патрабаванні Санкт-Пецярбурга, уваходзяць цягавыя і дапаможныя інвертары, бартавыя зарадныя ўстройствы, паніжаючыя пераўтваральнікі і акумулятарныя батарэі энергаёмістасцю 440 кВт.гадз, што адпавядае канцэпцыі працяглай начной зарадкі, прынятай у горадзе. Гэта распрацоўка істотна спрашчае вытворчасць электратранспарту. Таксама электробус аснашчаны перадавымі тэлематычнымі сістэмамі расійскай вытворчасці ТАА "Сэрвісны цэнтр Транстэлематыка". Так, у рамках заводскай зборкі ўпершыню інтэгравана мультысэрвісная транспартная платформа: устаноўлена сістэма аплаты праезду, падліку пасажыраў, сістэма "Гаворачы горад", інфармацыйная сістэма, сістэма відэанагляду і інш.

Аналагічныя распрацоўкі "ІТЭЛМА" ажыццяўляе для грамадскага электратранспарту вытворчасці "БКМ Холдынга" - на трамваі і электробусы ўжо ўстанаўліваюцца цягавыя батарэі і тэлематычная сістэма, у перспектыве запланавана ўстаноўка сілавой электронікі па аналогіі з электробусам МАЗ. Акрамя таго, для аўтамабіляў вытворчасці "БЕЛДЖЫ" ў 2026-2027 гадах у рамках лакалізацыі "ІТЭЛМА" разглядае магчымасць пастаўкі такіх вырабаў, як мультымедыйная сістэма, блокі кузаўной электронікі і антыблакіровачная тармазная сістэма (АБС). Такая сумесная дзейнасць - фундамент для тэхналагічнай незалежнасці прадуктаў дзвюх краін і стварэння найбольш эфектыўных транспартных сістэм.

Навукова-вытворчае прадпрыемства "ІТЭЛМА" з'яўляецца ключавым прадпрыемствам групы кампаній "ІТЭЛМА", аб'ядноўваючай кампаніі, дзейнасці якіх звязана з электронікай і дэвелапментам. ТАА "НВП "ІТЭЛМА" - кампанія з 30-гадовым вопытам у распрацоўцы і вытворчасці шырокага спектра сучасных электронных сістэм для рознага віду транспарту, сельгас- і спецтэхнікі. Кампанія стварае і вырабляе электронныя сістэмы для камерцыйнага і пасажырскага транспарту з 1994 года. Неад'емнай часткай стратэгіі кампаніі з'яўляецца лакалізацыя, набыццё і захаванне тэхналогій і кампетэнцый па распрацоўцы скаданых электронных сістэм. Прадпрыемства прапануе рынку мультыплексныя, тэлематычныя, радарныя і навігацыйныя тэхналогіі, распрацоўвае і вырабляе комплексныя рашэнні, якія ўключаюць у сябе кіраванне сілавымі ўстаноўкамі, бартавой электронікай, сістэму экстраннага рэагавання. Інакш кажучы, "ІТЭЛМА" можа поўнасцю з нуля распрацаваць як усю электронную архітэктуру аўтамабіля, так і тыя ці іншыя кампаненты.

версія для друку

зрабіць стартавай

дабавіць у выбранае