Бізнес-навіны

"Ператварыць патэнцыял у праекты". Аб напрамках развіцця супрацоўніцтва Беларусі і Манголіі расказалі ў НЦМ

Фота ncmps.by

12 снежня, Мінск /Кар. БЕЛТА/. Якія перспектыўныя напрамкі для супрацоўніцтва ёсць паміж Беларуссю і Манголіяй, расказалі БЕЛТА ў прэс-службе Нацыянальнага цэнтра маркетынгу.

Намеснік дырэктара Нацыянальнага цэнтра маркетынгу Яўген Русак у час экспертнага вебінара "Беларусь-Манголія: магчымасці і перспектывы супрацоўніцтва", арганізаванага Беларускім інстытутам стратэгічных даследаванняў і Інстытутам стратэгічных даследаванняў Манголіі, адзначыў, што патэнцыял беларускага экспарту ў Манголію ацэньваецца ў памеры $60 млн. Перспектыўнымі напрамкамі для супрацоўніцтва вылучаны прадукты харчавання і тэхналогіі іх перапрацоўкі, сельскагаспадарчая тэхніка і магчымая зборка ў Манголіі, дрэваапрацоўка і будаўнічыя матэрыялы, электратэхнічная прадукцыя і фармацэўтыка, а таксама сумесныя праекты ў аграпрамысловасці, энергетыцы і экалогіі.

"Беларусь традыцыйна моцная ў вытворчасці якасных прадуктаў харчавання. Манголія, нягледзячы на развітую жывёлагадоўлю, сутыкаецца з пэўнымі выклікамі перапрацоўкі і захоўвання прадукцыі. Беларускія тэхналогіі і гатовыя прадукты могуць дапоўніць мангольскі рынак, забяспечыўшы яго стабільнымі пастаўкамі і пашырыўшы асартымент", - падкрэсліў намеснік дырэктара.

Асобна было адзначана, што для Манголіі, дзе патрэбнасць у мадэрнізацыі інфраструктуры і аховы здароўя застаецца высокай, беларуская электратэхнічная прадукцыя і фармацэўтыка адкрываюць магчымасці для доўгатэрміновага супрацоўніцтва.

У Нацыянальным цэнтры маркетынгу звярнулі ўвагу, што Беларусь і Манголія маюць усё неабходнае, каб ператварыць патэнцыял у рэальныя праекты. Практычныя крокі - ад сумеснай зборкі тэхнікі да паставак прадуктаў харчавання і фармацэўтыкі - могуць вывесці двухбаковыя адносіны на новы ўзровень і ўмацаваць партнёрства.

версія для друку

зрабіць стартавай

дабавіць у выбранае