Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Oct 2022

Пастаўкі тэхнікі і кармоў. Беларусь і Астраханская вобласць падпісалі дакументы аб супрацоўніцтве

Пастаўкі тэхнікі і кармоў. Беларусь і Астраханская вобласць падпісалі дакументы аб супрацоўніцтве

27 кастрычніка, Мінск /Кар. БЕЛТА/. Шэраг дакументаў аб супрацоўніцтве падпісаны ў час візіту прэм'ер-міністра Беларусі Рамана Галоўчанкі ў Астрахань, паведамляе карэспандэнт БЕЛТА.

Так, падпісаны мемарандум аб супрацоўніцтве паміж ДУ "Адміністрацыя кітайска-беларускага індустрыяльнага парка "Вялікі камень" і АТ "Асаблівая эканамічная зона "Лотас" Астраханскай вобласці". Таксама заключана пагадненне аб супрацоўніцтве паміж ААТ "Беларуская ўніверсальная таварная біржа" і Астраханскім фондам падтрымкі малога і сярэдняга прадпрымальніцтва.

Шэраг дакументаў датычыцца паставак прадукцыі машынабудавання. У іх ліку - спецыфікацыя да дагавора куплі-продажу аўтамабільнай тэхнікі, заключанага паміж ТАА "МАЗ-РУС" і яго афіцыйным дылерам у Астраханскай вобласці - ТАА "Рэгіянальны цэнтр МАЗ Поўдзень", на пастаўку аўтамабіляў МАЗ. Таксама заключана пагадненне аб супрацоўніцтве паміж МТЗ і Міністэрствам сельскай гаспадаркі і рыбнай прамысловасці Астраханскай вобласці на пастаўку тэхнікі. Падпісаны і дагавор паміж ААТ "Кіруючая кампанія холдынга "Лідсельмаш" і ТАА "ГД МТЗ-Стаўрапаль" на пастаўку сельскагаспадарчай тэхнікі.

ТАА "Санадстар" (Гомель) і ТАА "Гранд Фіш" (Астрахань) у сваю чаргу заключылі дагавор на пастаўку кармоў, кармавых дабавак і камбікармоў усіх відаў, курынай, мясной, малочнай прадукцыі, прадукцыі дрэваапрацоўкі і будаўнічых матэрыялаў беларускай вытворчасці.

Будзе развівацца і супрацоўніцтва ў навуковай сферы і ў галіне інфармацыі. Так, зацверджаны план мерапрыемстваў па рэалізацыі пагаднення аб супрацоўніцтве паміж Нацыянальнай дзяржаўнай тэлерадыёкампаніяй Беларусі і ТАА "Астраханскі рэгіянальны канал" на 2023-2025 гады. Падпісаны мемарандум аб супрацоўніцтве ў галіне навукі, тэхналогій і інавацый паміж Беларускім інстытутам сістэмнага аналізу і інфармацыйнага забеспячэння навукова-тэхнічнай сферы і Астраханскім дзяржаўным універсітэтам імя В.М.Тацішчава.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі