Бізнес-навіны

12 чэрвеня, Мінск /Кар. БЕЛТА/. Пастаўкі беларускай сельскагаспадарчай тэхнікі ў Венесуэлу абмеркаваны на сустрэчах Надзвычайнага і Паўнамоцнага Пасла Беларусі ў Венесуэле Алега Паферава і першага намесніка міністра сельскай гаспадаркі і харчавання Беларусі Леаніда Марыніча з міністрам сельскай гаспадаркі і зямель Венесуэлы Іванам Хілем і прэзідэнтам Нацыянальнага інстытута сельскага развіцця Венесуэлы Аскарам Абарка, паведамілі БЕЛТА ў прэс-службе Міністэрства замежных спраў Беларусі.

Акрамя таго, у час перагавораў бакі абмеркавалі актуальныя пытанні супрацоўніцтва Беларусі і Венесуэлы ў сферы сельскай гаспадаркі і закранулі тэму рэалізацыі шэрага двухбаковых праектаў, уключаючы будаўніцтва аграіндустрыяльнага горада ў штаце Гуарыка.