Бізнес-навіны

Пасол Беларусі абмеркаваў з кіраўніцтвам мангольскага рэгіёна Дарнод пастаўкі беларускай сельгастэхнікі

Фота з архiва

7 чэрвеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Манголіі Дзмітрый Гарэлік наведаў аймак (мангольская адміністрацыйная адзінка) Дарнод. Аб гэтым карэспандэнту БЕЛТА расказалі ў беларускай дыпламатычнай місіі ў Манголіі.

Мэта паездкі - сустрэчы з прадстаўнікамі гэтага рэгіёна і горада Чайбалсан, а таксама ўдзел у мерапрыемствах, прымеркаваных да 77-годдзя Перамогі ў Вялікай Айчыннай вайне і 83-годдзя Перамогі ў бітве на Халкін-Голе.

У час праведзеных перагавораў з кіраўніцтвам рэгіёна і горада былі абмеркаваны перспектыўныя напрамкі па актывізацыі двухбаковага супрацоўніцтва, у тым ліку пастаўках беларускай сельскагаспадарчай, дарожна-рамонтнай і камунальнай тэхнікі.

"У ходзе наведвання сярэдняй школы нумар 2 горада Чайбалсан імя двойчы Героя Савецкага Саюза С.І. Грыцаўца і абеліска савецкім лётчыкам, якія прымалі ўдзел у бітве на Халкін-Голе, адбыліся цырымоніі ўскладання вянкоў з удзелам ваеннай варты. З кіраўніцтвам школы дасягнута дамоўленасць аб арганізацыі навучання двух - трох выпускнікоў навучальнай установы ў Беларусі за кошт грантаў, што прадастаўляюцца грамадзянам Манголіі", - адзначылі ў пасольстве.

Акрамя таго, была праведзена сустрэча з кіраўніцтвам самона (адміністрацыйна-тэрытарыяльная адзінка) Халкін-Гол, па выніках якой мангольскі бок выказаў зацікаўленасць у развіцці супрацоўніцтва з Беларуссю ў галіне сельскай гаспадаркі. Адбыліся таксама цырымонія ўскладання вянка да помніка Перамогі ў бітве на Халкін-Голе і наведванне музея баявой славы.

версія для друку

зрабіць стартавай

дабавіць у выбранае