У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

2 Крс 2019

Паляпшэнне крэдытнага рэйтынгу і экспарт - Беларусь зацікаўлена ў развіцці супрацоўніцтва з АЭСР

Паляпшэнне крэдытнага рэйтынгу і экспарт - Беларусь зацікаўлена ў развіцці супрацоўніцтва з АЭСР

2 красавіка, Мінск /Кар. БЕЛТА/. Беларусь зацікаўлена ў развіцці ўзаемадзеяння з Арганізацыяй эканамічнага развіцця і супрацоўніцтва, у прыярытэце - пытанні паляпшэння пазіцыі краіны ў рэйтынгу па класіфікацыі крэдытнай рызыкі і стымуляванне экспарту. Аб гэтым заявіў першы намеснік прэм'ер-міністра Аляксандр Турчын сёння на сустрэчы з кіраўніком аддзела АЭСР па рабоце з краінамі Еўразіі Уільямам Томпсанам, перадае карэспандэнт БЕЛТА.

Аляксандр Турчын падкрэсліў, што ўрад Беларусі з'яўляецца перакананым прыхільнікам развіцця прыватнага бізнесу. За апошнія два гады зроблены сур'ёзныя захады ў плане развіцця прыватнай ініцыятывы, і ўрад разлічвае на далейшую кансультацыйную дапамогу АЭСР.

На сустрэчы з АЭСР закраналася тэма доступу да фінансавых рэсурсаў і іх кошт. Аляксандр Турчын адзначыў, што ў Беларусі з гэтым няма праблем, але кошт крэдытных рэсурсаў у параўнанні з іншымі краінамі Усходняй Еўропы, краінамі Балтыі адрозніваецца. "Аднясенне краіны да шостай групы крэдытнай рызыкі (у рэйтынгу АЭСР па класіфікацыі крэдытнай рызыкі. - Заўвага БЕЛТА) не з'яўляецца стымулюючай мерай", - лічыць першы віцэ-прэм'ер.

Сёння Беларусь зацікаўлена ў нарошчванні экспарту суб'ектамі малога і сярэдняга бізнесу, асабліва ў Еўропу. У гэтым плане таксама ёсць зацікаўленасць у кансультаванні і іншай дапамозе з боку АЭСР, у тым ліку для сертыфікацыі прадукцыі.

У час цяперашняга візіту ў Беларусь дэлегацыя АЭСР сустрэнецца ў тым ліку з прадстаўнікамі Нацыянальнага агенцтва інвестыцый і прыватызацыі. "Мы цяпер працуем над змяненнем фармату гэтай арганізацыі, каб яна адыгрывал больш актыўную ролю ў прыцягненні інвестыцый у нашу краіну. Таму таксама былі б удзячныя за вашу дапамогу - што мы маглі б пераняць з лепшых практык такіх агенцтваў у свеце", - дадаў Аляксандр Турчын.

Уільям Томпсан згадзіўся, што стымуляванне экспарту з'яўляецца важнай тэмай для наступных этапаў работы Беларусі з Арганізацыяй эканамічнага развіцця і супрацоўніцтва. Арганізацыя мае вопыт такога ўзаемадзеяння, прыкладам можа быць падтрымка, аказаная, напрыклад, Узбекістану.

Кіраўнік аддзела АЭСР па рабоце з краінамі Еўразіі выказаў гатоўнасць абмеркаваць, што магло б дапамагчы павысіцца Беларусі ў рэйтынгу па класіфікацыі крэдытнай рызыкі.

Павышэнне пазіцыі ў рэйтынгу АЭСР дасць магчымасць знізіць кошт крэдытных рэсурсаў для беларускіх прадпрыемстваў. Пазіцыя Беларусі апошнім разам была палепшана ў пачатку 2018 года - краіна пераведзена з сёмай у шостую групу. Тады пазіцыя Беларусі ў класіфікацыі палепшылася ўпершыню з 1999 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс