Бізнес-навіны

Палепшыліся ўмовы продажу лясных машын "АМКАДАР" у Расіі

Фота amkodor.by

1 лютага, Мінск /Кар. БЕЛТА/. Фонд развіцця прамысловасці Расіі (ФРП) пашырыў магчымасці атрымання льготных пазык для дрэваперапрацоўчых прадпрыемстваў. Паводле інфармацыі ФРП, гэта дасць магчымасць расійскім кампаніям браць у льготны лізінг харвестары і форвардары, у тым ліку і вырабленыя прадпрыемствамі холдынга "АМКАДАР". Аб гэтым БЕЛТА паведамілі ў прэс-службе ААТ "АМКАДАР" - кіруючая кампанія холдынга".

Згодна з праграмай "Праекты лясной прамысловасці", якая стартавала ў снежні мінулага года, ільготныя пазыкі прадастаўляюцца на фінансаванне мадэрнізацыі вытворчых магутнасцей для апрацоўкі драўніны шляхам набыцця тэхналагічнага абсталявання. Наглядальны савет фонду пашырыў пералік абсталявання па праграме "Лізінгавыя праекты".

"Гэтыя меры накіраваны на развіццё ў краіне галіны глыбокай апрацоўкі драўніны", - адзначыў кіраўнік Мінпрамгандлю Расіі, старшыня Наглядальнага савета ФРП Дзяніс Мантураў.

Цяпер праграма "Лізінгавыя праекты" ФРП прадастаўляе пазыкі на набыццё харвестараў і форвардараў у лізінг пад 1 працэнт гадавых. Акрамя таго, на льготных умовах можна ўзяць у лізінг пагрузачна-разгрузачную тэхніку і самаходныя машыны, у тым ліку аўтапагрузчыкі і краны.

Федэральны і рэгіянальны фонды прадастаўляюць сумесныя пазыкі ў памеры ад 20 да 100 млн расійскіх рублёў пад 1-3 працэнты гадавых у суадносінах 70 працэнтаў (федэральныя сродкі) і 30 працэнтаў (сродкі рэгіёнаў). Для больш маштабных праектаў дзейнічае праграма "Праекты развіцця", па якой прадастаўляюцца пазыкі ад 50 да 500 млн расійскіх рублёў.

Фонд развіцця прамысловасці згодна з дзеючымі праграмамі фінансавання ўжо выдаў больш за 60 пазык на стварэнне новых або мадэрнізацыю дзеючых дрэваапрацоўчых вытворчасцей на агульную суму 13 млрд расійскіх рублёў.

версія для друку

зрабіць стартавай

дабавіць у выбранае