У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

26 Лют 2016

Паўкорпус рэактара для другога энергаблока БелАЭС паспяхова прайшоў кантроль якасці

26 лютага, Мінск /Кар. БЕЛТА/. У Валгадонскім філіяле "АЭМ-тэхналогіі" "Атаммаш" (уваходзіць у машынабудаўнічы дывізіён "Расатама" - "Атамэнергамаш") паспяхова завершаны кантроль якасці ніжняга паўкорпуса рэактара для другога энергаблока Беларускай АЭС, паведамілі БЕЛТА ў прэс-службе "Атамэнергамаша".

"Пры правядзенні кантрольных аперацый зварных швоў быў атрыманы стапрацэнтны станоўчы вынік", - адзначылі спецыялісты.

Для правядзення кантролю якасці выкарыстоўваліся асноўныя віды неразбуральнага кантролю, уключаючы каляровую дэфектаскапію, ультрагукавы кантроль і радыёграфічную дэфектаскапію. Усе зварныя злучэнні былі прыняты з першага прад'яўлення.

Цяпер на ніжнім паўкорпусе рэактара для другога энергаблока Беларускай АЭС выконваецца наплаўка каразійна-ўстойлівага слоя на ўнутраную паверхню вырабу.

Рэактар уяўляе сабой вертыкальны цыліндрычны корпус з эліптычным днішчам, унутры якога размешчана актыўная зона і ўнутрыкорпусныя ўстройствы. Зверху рэактар герметычна закрыты.

Прадпрыемства "АЭМ-тэхналогіі", створанае ў 2007 годзе ў структуры АТ "Атамэнергамаш", вырабляе абсталяванне для атамнай галіны, цеплавой энергетыкі, газнафтахіміі. У структуры кампаніі - інжынірынгавы цэнтр у Санкт-Пецярбургу, а таксама філіялы "Петразаводскмаш" у Петразаводску і рэактараў і абсталявання рэактарнай устаноўкі ВВЭР, а таксама інжынерна-кансультацыйныя паслугі, у тым ліку канструяванне і праектаванне асноўнага абсталявання для АЭС.

Беларуская АЭС - праект па будаўніцтве атамнай электрастанцыі тыпу АЭС-2006, які рэалізуецца за 18 км ад Астраўца (Гродзенская вобласць). БелАЭС будзе складацца з двух энергаблокаў сумарнай магутнасцю да 2400 (2х1200) МВт. У адпаведнасці з генеральным кантрактам на будаўніцтва станцыі першы энергаблок плануецца ўвесці ў эксплуатацыю ў 2018 годзе, другі - у 2020 годзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску