20 лістапада, Масква /Святлана Саўко - БЕЛТА/. Падземныя сховішчы газу ў Беларусі плануецца пашырыць. Аб гэтым сёння на экспертна-медыйным форуме "15-годдзе Саюзнай дзяржавы: парадак дня на заўтра" заявіў намеснік міністра энергетыкі Расіі Анатоль Яноўскі, перадае карэспандэнт БЕЛТА.
"Цяпер у планах "Белтрансгаза" інвестыцыі ў пашырэнне існуючых падземных сховішчаў газу на тэрыторыі Беларусі і развіццё газатранспартнай сістэмы", - сказаў намеснік міністра.
У сферы энергетыкі і транспарту Беларусь і Расія рэалізавалі і рэалізуюць вялікую колькасць сумесных інвестыцыйных праектаў. Гэта, напрыклад, будаўніцтва БелАЭС, разглядаецца пытанне аб расійскіх інвестыцыях у ААТ "Гродна Азот".
Намеснік міністра нагадаў, што ў будучым ЕАЭС будуць створаны агульныя рынкі нафты, нафтапрадуктаў, газу і электраэнергіі. Цяпер бакі распрацоўваюць адпаведныя канцэпцыі. Ідзе выпрацоўка агульных падыходаў.
Форум "15-годдзе Саюзнай дзяржавы: парадак дня на заўтра" праходзіць сёння ў Маскве. У ім прымаюць удзел беларускія і расійскія вучоныя, палітолагі. Эксперты абмяркоўваюць перспектывы эканамічнага і гуманітарнага супрацоўніцтва Расіі і Беларусі.
Пн | Аўт | Сер | Чцв | Пт | Сб | Нядз |
---|