Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

23 Feb 2023

Інвестары з Пакістана зацікаўлены развіваць бізнес у Беларусі

Інвестары з Пакістана зацікаўлены развіваць бізнес у Беларусі
Фота з архiва

23 лютага, Мінск /Кар. БЕЛТА/. Інвестары з Пакістана зацікаўлены развіваць бізнес у Беларусі, паведамілі карэспандэнту БЕЛТА ў прэс-службе СЭЗ "Мінск".

На дзелавой пляцоўцы СЭЗ "Мінск" адбыліся перагаворы кіраўніцтва СЭЗ, прадстаўнікоў НАІП з дэлегацыяй бізнес-колаў Пакістана. Бакі абмеркавалі перспектыўныя напрамкі супрацоўніцтва, пытанні гандлёвай, вытворчай і інвестыцыйнай дзейнасці, а таксама магчымасці лакалізацыі пакістанскага бізнесу на тэрыторыі Беларусі.

Першы намеснік кіраўніка адміністрацыі Сяргей Бубенька прадставіў магчымасці работы ў свабоднай эканамічнай зоне "Мінск", а таксама асаблівасці атрымання статусу рэзідэнта.

Акрамя таго, дэлегацыя з Пакістана наведала шэраг вытворчых пляцовак рэзідэнтаў СЭЗ "Мінск".

СЭЗ "Мінск" створана ў сакавіку 1998 года. СЭЗ размешчана на 21 участку агульнай плошчай больш як 2650 га ў Мінску, Мінскай вобласці, у раёне гарадоў Фаніпаль, Маладзечна, Барысаў, Жодзіна і Смалявічы. Вытворчую дзейнасць у СЭЗ ажыццяўляюць больш за 100 прадпрыемстваў-рэзідэнтаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі