Бізнес-навіны

Новы рэзідэнт "Вялікага каменя" будзе выпускаць грузавую спецтэхніку

8 кастрычніка, Мінск /Кар. БЕЛТА/. Новы рэзідэнт "Вялікага каменя" будзе выпускаць грузавую спецтэхніку, паведамляе БЕЛТА са спасылкай на сайт індустрыяльнага парка.

У "Вялікім камені" зарэгістраваны новы рэзідэнт - ТАА "Аксіём-Груп" (Беларусь). Кампанія створыць вытворчае прадпрыемства па выпуску грузавой аўтамабільнай спецыяльнай і спецыялізаванай тэхнікі сельскагаспадарчага і лесагаспадарчага прызначэння. Плануецца, што вытворчасць прадукцыі пачнецца ў наступным годзе.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

версія для друку

зрабіць стартавай

дабавіць у выбранае