Бізнес-навіны

Новы напрамак. "Белавія" з 31 сакавіка адкрывае рэгулярныя рэйсы з Мінска ў Нячанг

Фота з архiва

25 лістапада, Мінск /Кар. БЕЛТА/. "Белавія" з 31 сакавіка адкрывае рэгулярныя рэйсы з Мінска ў Нячанг (В'етнам), паведамілі БЕЛТА ў прэс-службе авіякампаніі.

"Кіламетровыя пляжы і чыстае Паўднёва-Кітайскае мора з дзівосным падводным светам. Горад радуе кафэ, барамі і спа, а побач - маляўнічыя астравы, храмы і гарачыя крыніцы для разнастайнага адпачынку", - расказалі ў авіякампаніі.

Рэйсы будуць выконвацца два разы ў тыдзень па аўторках і суботах на Airbus A330-200.

Вылет з Мінска запланаваны на 0.30, прыбыццё ў Нячанг - у 15.30, рэйс назад з Нячанга - у 17.30, прыбыццё ў Мінск - у 1.10.

Час у дарозе складзе 11 гадзін туды і 11 гадзін 40 мінут у адваротным напрамку. Час для ўсіх аэрапортаў пазначаны мясцовы.

Білеты стартуюць ад Br1393 у адзін бок і ад Br2704 туды-назад (тарыф "Лайт").

версія для друку

зрабіць стартавай

дабавіць у выбранае