У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Стд 2020

Інфляцыя ў Беларусі ў 2019 годзе склала 4,7 працэнта

Інфляцыя ў Беларусі ў 2019 годзе склала 4,7 працэнта
Фота з архіва

13 студзеня, Мінск /Кар. БЕЛТА/. Індэкс спажывецкіх цэн на тавары і паслугі ў снежні 2019 года ў параўнанні з лістападам 2019 года склаў 100,5 працэнта, са снежнем 2018 года - 104,7 працэнта, паведамілі БЕЛТА ў Нацыянальным статыстычным камітэце.

Базавы індэкс спажывецкіх цэн, што выключае змяненне цэн на асобныя тавары і паслугі, на якія ўплываюць фактары адміністрацыйнага і сезоннага характару, у снежні 2019 года ў параўнанні з лістападам 2019 года склаў 100,1 працэнта, са снежнем 2018-га - 103,5 працэнта.

Харчовыя тавары ў снежні падаражэлі на 0,5 працэнта ў параўнанні з лістападам 2019 года і на 4,3 працэнта - у параўнанні са снежнем 2018-га.

Цэны на нехарчовыя тавары выраслі на 0,4 працэнта ў параўнанні з лістападам 2019 года і на 3,7 працэнта ў параўнанні са снежнем 2018-га.

Паслугі ў снежні ў параўнанні з лістападам гэтага года падаражэлі на 0,8 працэнта, у параўнанні са снежнем 2018-га - на 6,9 працэнта.

Інфляцыя ў 2018 годзе ў Беларусі склала 5,6 працэнта, у 2017-м - 4,6 працэнта.

Як паведамлялася, асноўнай мэтай грашова-крэдытнай палітыкі ў 2019 годзе было абмежаванне інфляцыі, якая вымяраецца індэксам спажывецкіх цэн, у межах 5 працэнтаў (снежань 2019 года да снежня 2018-га). Двойчы за год Белстат фіксаваў дэфляцыю - у чэрвені і жніўні.

Манетарная палітыка ў 2020 годзе будзе накіравана на стабілізацыю інфляцыі на ўзроўні не большым за 5 працэнтаў. Паводле прагнозаў, у першым квартале яна не павінна перасягнуць 2,5 працэнта, у студзені-чэрвені - 3,2 працэнта, у студзені-верасні - 3,6 працэнта.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс