VI Усебеларускі народны сход
Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

2 Ліс 2020

Інавацыі ў аграпрамысловым комплексе абмяркуюць на міжнароднай канферэнцыі ў Гомелі 4 лістапада

Інавацыі ў аграпрамысловым комплексе абмяркуюць на міжнароднай канферэнцыі ў Гомелі 4 лістапада

2 лістапада, Гомель /Кар. БЕЛТА/. IV Міжнародная навукова-практычная канферэнцыя "Інавацыйныя тэхналогіі ў аграпрамысловым комплексе: сёння і заўтра" пройдзе ў ААТ "Гомсельмаш" 4 лістапада, паведамілі БЕЛТА на прадпрыемстве.

Форум накіраваны на пашырэнне навукова-тэхнічнага супрацоўніцтва ў частцы праектавання і пастаноўкі на вытворчасць інавацыйнай канкурэнтаздольнай тэхнікі для патрэб сельскай гаспадаркі. У час канферэнцыі шырокаму колу спецыялістаў будуць прадэманстраваны дасягненні сучаснага аграпрамысловага машынабудавання, што пасадзейнічае пашырэнню экспартнага патэнцыялу прадпрыемстваў Беларусі.

Прадугледжана шэсць асноўных тэматычных напрамкаў. У сваіх работах удзельнікі адлюструюць стан, тэндэнцыі і напрамкі развіцця сельскагаспадарчага машынабудавання ў галіне стварэння машын для ўборкі збожжавых культур, кармоў, караняклубняплодаў, трактароў і мабільных энергетычных сродкаў. Будзе абагульнены таксама перадавы вопыт і сучасныя метады праектавання і даследаванняў сельскагаспадарчых машын.

Удзельнікі раскажуць таксама аб новых матэрыялах і тэхналогіях у галіне, метадах павышэння канкурэнтаздольнасці агратэхнікі, яе надзейнасці і бяспекі. Асобны блок матэрыялаў прысвечаны кааперацыйнаму супрацоўніцтву з сусветнымі кампаніямі ў галіне сельгасмашынабудавання.

Прадаўжаецца рэгістрацыя ўдзельнікаў. Прынятыя аргкамітэтам матэрыялы будуць выдадзены асобным зборнікам пасля работы канферэнцыі, таксама па рашэнні навукова-праграмнага камітэта канферэнцыі навуковыя артыкулы будуць апублікаваны ў спецыялізаваных часопісах.

Арганізатарамі міжнароднага форуму выступаюць ААТ "Гомсельмш" і Міністэрства прамысловасці Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход