Бізнес-навіны

У Нацыянальнай экспазіцыі прымае ўдзел больш за 20 беларускіх арганізацый і прадпрыемстваў. Шырока прадстаўлена прадукцыя падведамных прадпрыемстваў Міністэрства прамысловасці: ААТ "Мінскі трактарны завод", ААТ "Гомсельмаш", ААТ "Белаграмаш", ААТ "Амкадор" - кіруючая кампанія холдынга", ААТ "Беларускі металургічны завод - кіруючая кампанія холдынга "Беларуская металургічная кампанія", ААТ "БелАЗ" - кіруючая кампанія холдынга "БелАЗ-холдынг".

У экспазіцыі прадстаўлены калектыўны стэнд, арганізаваны Дзяржаўным камітэтам па навуцы і тэхналогіях, дзе дэманструюцца навуковыя распрацоўкі і інавацыйная прадукцыя.

"Адна з мэт для прамысловасці Беларусі - актыўней уваходзіць на рынак Кубы. Для гэтага ёсць усе перадумовы. За апошні час з'явіліся новыя партнёры, новыя механізмы. З улікам устаноўкі кіраўніка дзяржавы на цесную работу з Кубай я ўпэўнены, што мы рэалізуем амбіцыйныя планы, - сказаў Віталь Воўк. - У найбольшай ступені для гэтага рынку цікава тэхніка ААТ "МАЗ", ААТ "Амкадор", ААТ "МТЗ", разлічваем на тэхніку ААТ "Гомсельмаш". Наогул уся прадукцыя, якая сёння вырабляецца ў Беларусі, можа быць запатрабавана на кубінскім рынку. Дамоўленасці ёсць, аднак усё вельмі няпроста, ёсць шмат перагаворных працэсаў, якія ў бліжэйшы час рэалізуюцца".

У час цырымоніі адкрыцця было падпісана пагадненне аб супрацоўніцтве паміж Беларускай гандлёва-прамысловай палатай і Гандлёвай палатай Кубы. Беларускай дэлегацыяй запланаваны шэраг сустрэч і перагавораў з кіраўнікамі шасці кубінскіх міністэрстваў і дзяржаўных ведамстваў.

Выстаўка FIHAV уваходзіць у тройку буйнейшых выставачных мерапрыемстваў у Лацінскай Амерыцы. Штогод удзел у ёй прымаюць больш за 4 тыс. кампаній з 60 краін, у тым ліку з Бразіліі, Вялікабрытаніі, В'етнама, Іспаніі, Канады, Кітая, Мексікі, Расіі, Украіны, Францыі, Чэхіі, Чылі, Эквадора, ПАР.