Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Sep 2017

Нацыянальная экспазіцыя Беларусі ўпершыню прадстаўлена на Усходнім эканамічным форуме

6 верасня, Масква /Эдуард Півавар - БЕЛТА/. Нацыянальная экспазіцыя Беларусі ўпершыню прадстаўлена на Усходнім эканамічным форуме, які адкрыўся сёння ва Уладзівастоку, паведамілі БЕЛТА ў прэс-службе пасольства Беларусі ў Расіі.

"Калектыўны стэнд Беларусі аб'яднаў вядучыя арганізацыі сістэмы адукацыі і навукі, харчовай галіны, а таксама прадпрыемствы аўтамабілебудавання і сельскагаспадарчага машынабудавання, - адзначылі ў дыппрадстаўніцтве. - У ліку беларускіх экспанентаў - прадстаўнікі Дзяржаўнага камітэта па навуцы і тэхналогіях, Міністэрства адукацыі, Нацыянальнай акадэміі навук, канцэрна "Белдзяржхарчпрам", а таксама ААТ "Далёкаўсходні Аўтацэнтр" (дылер ААТ "МАЗ", ААТ "МТЗ"). Удзельнікі экспазіцыі прадстаўляюць інавацыйныя і навукова-тэхнічныя распрацоўкі ў сферы энергетыкі, медыцыны, электронікі, авіякасмічных даследаванняў, геадэзіі, будаўніцтва і архітэктуры, аграхіміі, глебазнаўства, харчавання і інш.".

У першы дзень форуму падпісана пагадненне ўжо аб супрацоўніцтве паміж Полацкім дзяржаўным універсітэтам і Камсамольскім-на-Амуры дзяржаўным тэхнічным універсітэтам, а таксама пратакол аб намерах паміж кафедрай геадэзіі і геаінфармацыйных сістэм Полацкага дзяржуніверсітэта і кафедрай геадэзіі і кадастра Далёкаўсходняга федэральнага ўніверсітэта.

"Асаблівую цікавасць у наведвальнікаў экспазіцыі выклікалі навуковыя распрацоўкі беларускіх вучоных у сферы ўльтрагукавых тэхналогій, абсталяванне медыцынскага прызначэння для кардыялогіі, анкалогіі і стаматалогіі, тэхналагічныя комплексы для рудападрыхтоўкі, перапрацоўкі мінеральнай сыравіны, вытворчасці будаўнічых матэрыялаў, перапрацоўкі тэхнагенных адходаў, вытворчасць будаўнічых матэрыялаў з адходаў сельскагаспадарчай вытворчасці, - паведамілі ў прэс-службе. - Традыцыйна вялікай папулярнасцю карыстаецца стэнд вытворцаў ААТ "МАЗ" і ААТ "МТЗ".

У пасольстве дадалі, што ў другі дзень форуму ў членаў беларускай дэлегацыі запланаваны сустрэчы з дэлегацыямі і кіраўніцтвам рэгіёнаў Далёкага Усходу.

Далёкаўсходні эканамічны форум праходзіць 6-7 верасня. Ён праводзіцца з 2015 года. У гэтым годзе ў ім прымаюць удзел прадстаўнікі бізнесу з 55 краін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі