У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

19 Врс 2018

Нацбанк вырашыў захаваць стаўку рэфінансавання на ўзроўні 10 працэнтаў

Нацбанк вырашыў захаваць стаўку рэфінансавання на ўзроўні 10 працэнтаў

19 верасня, Мінск /Кар. БЕЛТА/. Стаўка рэфінансавання і працэнтныя стаўкі па аперацыях рэгулявання ліквіднасці Нацыянальнага банка захоўваюцца на бягучым узроўні. Гэта рашэнне прынята праўленнем Нацыянальнага банка па выніках пасяджэння па грашова-крэдытнай палітыцы 19 верасня, паведамілі БЕЛТА ва ўпраўленні інфармацыі і грамадскіх сувязей Нацбанка.

"Гадавая інфляцыя адпавядае прагнознай дынаміцы. У будучым рост цэн будзе складвацца паблізу ўстаноўленай на 2019-2020 гады мэты 5 працэнтаў. Перашкод для гэтага з боку ўнутранай эканомікі не праглядаецца. Пэўныя праінфляцыйныя рызыкі фарміруюцца з боку знешнеэканамічных умоў, якія пагаршаюцца, і ўзросшай няпэўнасці іх далейшага развіцця", - адзначылі ў Нацбанку.

У жніўні 2018 года прырост спажывецкіх цэн у гадавым выражэнні склаў 5 працэнтаў. Па выніках 2018 года інфляцыя чакаецца каля 5,5 працэнта пры мэтавым паказчыку не большым за 6 працэнтаў.

Унутраны попыт аказвае ўмеранае ўздзеянне на дынаміку цэн. З боку знешняга сектара праглядаецца некаторае ўзмацненне інфляцыйнага націску, звязанага ў першую чаргу з чакаемым паскарэннем інфляцыйных працэсаў у Расіі.

Для стрымлівання інфляцыйнага націску з боку знешняга сектара і дасягнення мэтавага паказчыка па інфляцыі спатрэбіцца захаванне дэзынфляцыйнага характару манетарных умоў.

"Захаванне стаўкі рэфінансавання на бягучым узроўні накіравана на падтрыманне манетарных умоў, якія забяспечваюць знаходжанне інфляцыі паблізу мэтавага ўзроўню 5 працэнтаў у 2019-2020 гадах", - праінфармавалі ў Нацбанку.

Наступнае пасяджэнне праўлення Нацыянальнага банка па грашова-крэдытнай палітыцы запланавана на 19 снежня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску