У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Ліс 2017

Нацбанк у 2018 годзе пры зніжэнні стаўкі рэфінансавання пачне выкарыстоўваць крок змяненняў у 0,25 працэнта

10 лістапада, Мінск /Кар. БЕЛТА/. Нацыянальны банк у 2018 годзе пры зніжэнні стаўкі рэфінансавання пачне выкарыстоўваць крок змяненняў у 0,25 працэнта. Аб гэтым гаворыцца ў дакладзе начальніка галоўнага ўпраўлення манетарнай палітыкі і эканамічнага аналізу Нацбанка Дзмітрыя Мурына аб выніках рэалізацыі грашова-крэдытнай палітыкі ў студзені-верасні 2017 года, апублікаваным у часопісе "Банкаўскі веснік", паведамляе БЕЛТА.

"Важнейшай задачай на бліжэйшыя гады становіцца замацаванне інфляцыі паблізу фактычнага ўзроўню, каб забяспечыць дасягненне ўстаноўленай сярэднетэрміновай мэты - прырост цэн не больш за 5 працэнтаў у 2020 годзе. Вырашэнне гэтай задачы, улічваючы паступовае аслабленне дзеючых дэфляцыйных фактараў, запатрабуе ўкаранення механізмаў больш тонкай настройкі", - падкрэсліў Дзмітрый Мурын.

У частцы інструментарыю грашова-крэдытнай палітыкі гэта азначае пераход да кіравання цаной грошай, а не аб'ёмам. Пры гэтым далейшая дынаміка працэнтных ставак у адрозненне ад бягучага года будзе больш стрыманай і характарызавацца невялікай велічынёй змяненняў. "Можна чакаць, што ў 2018 годзе Нацыянальны банк пры прыняцці рашэнняў па стаўцы рэфінансавання пачне выкарыстоўваць крок змяненняў, роўны 25 базісным пунктам", - адзначыў начальнік галоўнага ўпраўлення манетарнай палітыкі і эканамічнага аналізу.

Пры гэтым Дзмітрый Мурын заявіў, што бягучая сітуацыя ў эканоміцы і базавы прагноз яе развіцця ў наступныя гады сведчаць, што пэўны запас для зніжэння працэнтных ставак Нацыянальнага банка яшчэ захоўваецца. Аднак маштабы і хуткасць гэтага працэсу будуць вызначацца верагоднасцю і велічынёй рэалізацыі інфляцыйных рызык.

Падводзячы вынікі 9 месяцаў 2017 года, прадстаўнік Нацбанка звярнуў увагу на пазітыўныя змяненні ў эканоміцы і грашова-крэдытнай сферы, перш за ўсё ў частцы паступовага аднаўлення дзелавой актыўнасці ў краіне; падтрымання ўмераных тэмпаў росту грашовага прапанавання і крэдытавання банкамі эканомікі, якія ў цэлым адпавядалі існуючым макраэканамічным умовам і вызначаліся плацежаздольным попытам; істотнага зніжэння працэнтных ставак як па новых, так і па ўсіх крэдытах у эканоміцы ў выніку паступальнага змяншэння стаўкі рэфінансавання і ставак па інструментах рэгулявання ліквіднасці банкаў; прадаўжэння працэсаў дэдаларызацыі. Таксама Дзмітрый Мурын канстатаваў зніжэнне інтэнсіўнасці інфляцыйных працэсаў. Прырост спажывецкіх цэн у гадавым выражэнні запаволіўся ў верасні да 4,9 працэнта, што істотна ніжэй за прагноз. Аналагічную дынаміку дэманстравалі і іншыя паказчыкі інфляцыі. Базавая інфляцыя за ІІІ квартал зменшылася з 5,3 да 4 працэнтаў, агрэгіраваны паказчык трэндавай інфляцыі, якая выключае рух адносных цэн, - з 5,2 працэнта да 4 працэнтаў.

Стаўка рэфінансавання 18 кастрычніка была зніжана ў Беларусі да 11 працэнтаў гадавых. Гэта было восьмае зніжэнне стаўкі з пачатку года.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску