Бізнес-навіны

Нацбанк разлічвае да 2030 года давесці долю безнаяўнага абароту ў розніцы да 70 працэнтаў

Фота з архiва

9 верасня, Мінск /Кар. БЕЛТА/. Нацыянальны банк Беларусі разлічвае да 2030 года давесці долю безнаяўнага абароту ў рознічным тавараабароце да 70 працэнтаў. Аб гэтым на нарадзе ў Прэзідэнта заявіў кіраўнік Нацбанка Раман Галоўчанка, перадае карэспандэнт БЕЛТА.

Кіраўнік Нацбанка расказаў аб планах па паскоранай лічбавізацыі банкаўскага абслугоўвання і сэрвісаў. "Лічбавізацыя не дзеля моды, не дзеля трэнду. Гэта залог развіцця. Для нас важна мінімізаваць транзакцыйныя і часавыя выдаткі суб'ектаў гаспадарання, знізіць долю наяўных грошай у эканоміцы. Гэта дасць магчымасць, з аднаго боку, скараціць ценявы сектар, з другога - павысіць прадукцыйнасць нашай эканомікі", - сказаў ён.

Найперш плануецца павышаць долю безнаяўных плацяжоў і дыстанцыйнага абслугоўвання. "Асноўная мэта - давядзенне долі безнаяўнага грашовага абароту ў рознічным тавараабароце да 70 працэнтаў да 2030 года", - заявіў Раман Галоўчанка.

Яшчэ адна мэта для банкаў - развіццё дыстанцыйнага абслугоўвання. "Да 2030 года забяспечыць колькасць адкрытых анлайн банкаўскіх укладаў фізічных асоб у памеры не меншым за 60 працэнтаў, спажывецкіх крэдытаў - не менш як палавіну. Я ўжо не гавару пра ўсе астатнія сэрвісы - гэта аплата тавараў з выкарыстаннем QR-кодаў, іншыя спосабы ініцыявання плацяжу і гэтак далей", - падзяліўся падрабязнасцямі кіраўнік Нацбанка.

версія для друку

зрабіць стартавай

дабавіць у выбранае