У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Жнв 2017

Нацбанк чакае гадавую інфляцыю ў межах 7 працэнтаў

10 жніўня, Мінск /Кар. БЕЛТА/. Нацыянальны банк Беларусі чакае гадавую інфляцыю ў межах 7 працэнтаў. Аб гэтым гаворыцца ў дакладзе начальніка галоўнага ўпраўлення манетарнай палітыкі і эканамічнага аналізу Нацбанка Дзмітрыя Мурына аб выніках рэалізацыі грашова-крэдытнай палітыкі ў першым паўгоддзі, апублікаваным у часопісе "Банкаўскі веснік", паведамляе БЕЛТА.

"З улікам пазітыўнай дынамікі росту цэн на асноўную масу тавараў і паслуг чакаецца, што па выніках гэтага года прырост спажывецкіх цэн не перасягне 7 працэнтаў", - гаворыцца ў дакладзе.

Дзмітрый Мурын адзначае, што па выніках шасці месяцаў бягучага года замацаваліся пазітыўныя змяненні ў эканоміцы і грашова-крэдытнай сферы, якія намеціліся ў I квартале. У першую чаргу размова ідзе аб далейшым запаволенні інфляцыйных працэсаў разам з паступовым аднаўленнем дзелавой актыўнасці ў краіне.

Да канца II квартала прырост спажывецкіх цэн у гадавым выражэнні запаволіўся да 6,5 працэнта. "Гэта крыху вышэй, чым у сакавіку 2017 года, калі інфляцыя складала 6,4 працэнта. У той жа час гэта невялікае павелічэнне звязана з уздзеяннем неспрыяльных умоў надвор'я, якія прывялі да паскарэння росту цэн на плодаагароднінную прадукцыю. Толькі за май-чэрвень іх прырост у гадавым выражэнні вырас з 0,7 працэнта да 17,2 працэнта.

Між тым базавая інфляцыя ў II квартале прадоўжыла запавольвацца, дасягнуўшы ў чэрвені ўзроўню 5,3 працэнта. У цэлым дынаміка спажывецкіх цэн прадаўжае станавіцца ўсё больш аднастайнай. Адбываецца паступовае зрушэнне размеркавання прыростаў цэн і тарыфаў у бок павелічэння долі пазіцый, цэны на якія ў гадавым выражэнні не змяніліся або знізіліся", - гаворыцца ў дакладзе.

У той жа час асноўным фактарам, які стрымлівае далейшае запаволенне інфляцыйных працэсаў, застаюцца інфляцыйныя чаканні, што захоўваюцца на даволі высокім узроўні. Акрамя таго, узмацненню інфляцыйнага націску садзейнічае аднаўленне спажывецкага попыту, які падтрымліваецца павелічэннем даходаў насельніцтва і ростам спажывецкага крэдытавання. Інфляцыйныя рызыкі нясе ў сабе і больш хуткі рост актыўнай рублёвай грашовай масы ў параўнанні з тэрміновымі рублёвымі дэпазітамі. Усё гэта прадвызначае неабходнасць прадаўжэння сумеснай работы Нацыянальнага банка і ўрада па далейшым запаволенні інфляцыі і замацаванні яе да 2021 года на ўзроўні не большым за 5 працэнтаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс