Бізнес-навіны
Нацбанк Беларусі прытрымліваецца сярэднетэрміновай мэты па інфляцыі ў памеры 5 працэнтаў
Фота з архiва
9 верасня, Мінск /Кар. БЕЛТА/. Нацыянальны банк Беларусі прытрымліваецца сярэднетэрміновай мэты па інфляцыі ў памеры 5 працэнтаў. Аб гэтым на нарадзе ў Прэзідэнта Беларусі заявіў старшыня праўлення Нацыянальнага банка Раман Галоўчанка, перадае карэспандэнт БЕЛТА.
"Перавагі нізкай інфляцыі добра вядомы. Наша сярэднетэрміновая мэта па інфляцыі - 5 працэнтаў. Мы ад яе не адмаўляемся. Так, і ў бягучым, і ў наступным годзе інфляцыя можа скласціся крыху вышэйшая. Па факце цяпер яна каля 7 працэнтаў. Але трэба глядзець прыроду. Бягучы ўзровень інфляцыі на тры чвэрці абумоўлены падаражэннем 20 узбуйненых пазіцый. Перш за ўсё гэта мяса, мясапрадукты, малочныя прадукты, плодаагароднінная прадукцыя, кава, кандытарка, грамадскае харчаванне", - сказаў кіраўнік Нацбанка.
Для дасягнення ўзроўню ў памеры 5 працэнтаў, паводле слоў Рамана Галоўчанкі, трэба выйсці на формулу справядлівай цаны. "Маё глыбокае перакананне, што ідэальная формула цаны - гэта не ручное кіраванне цэнаўтварэннем, а методыка разліку цэн на аснове грамадска неабходных або аптымальных затрат праз комплекс крытэрыяў, вызначаных лічбавымі тэхналогіямі на аснове масіву вялікіх даных", - заявіў Раман Галоўчанка.
Паводле яго слоў, шэраг маркетплэйсаў, у тым ліку працуючых у Беларусі, ужо актыўна выкарыстоўваюць гэтыя методыкі, якія ў тым ліку даюць магчымасць выяўляць маніпулятыўныя цэнавыя накруткі.
"Нацыянальны банк са свайго боку прадоўжыць правядзенне манетарнай палітыкі, якая садзейнічае стрымліванню інфляцыйных працэсаў. Перш за ўсё - кантроль за ростам грашовага прапанавання. На гэта нас нацэліў і кіраўнік дзяржавы. Наш арыенцір па штогадовым прыросце шырокай грашовай масы - 10-12 працэнтаў у будучай пяцігодцы", - сказаў кіраўнік Нацбанка.
Ён таксама заявіў, што працэнтныя стаўкі ў эканоміцы будуць падтрымлівацца на дадатным узроўні ў рэальным выражэнні. Асноўны акцэнт - больш прывабныя ўмовы па доўгіх укладах і інвестыцыйных крэдытах.
версія для друку
зрабіць стартавай
дабавіць у выбранае