Бізнес-навіны

Нацбанк ацаніў уплыў сусветных эканамічных шокаў на Беларусь

Фота з архiва

11 мая, Мінск /Кар. БЕЛТА/. Знешнія шокі пакуль не трансліруюцца ў эканоміку Беларусі. Аб гэтым заявіў старшыня праўлення Нацыянальнага банка Раман Галоўчанка ў эфіры тэлеканала "Беларусь 1", паведамляе БЕЛТА.

Паводле слоў Рамана Галоўчанкі, у сусветнай эканоміцы сёння адбываюцца вельмі дзіўныя працэсы. З аднаго боку, па ўсіх прыкметах павінна надыходзіць ахаладжэнне на рынках, з другога - акцыі амерыканскага і азіяцкага фондавых рынкаў знаходзяцца на максімуме.

"Гэта сведчыць аб тым, што ўсе разлічваюць на тое, што будуць пераадолены бягучыя складанасці альбо яны будуць успрымацца як данасць. Таму глабальна мы цяпер не бачым чаканняў запаволення глабальнага эканамічнага росту. Інфляцыйныя працэсы маюць затухаючы характар, мы ідзём пакуль ніжэй за тую траекторыю, якую для сябе вызначылі. І не назіраем важкіх прычын для таго, каб чакаць паскарэння цэнавага росту, - заявіў кіраўнік Нацбанка. - Пакуль гэтыя шокі ў беларускую эканоміку не трансліруюцца. Але ўважліва за ўсім назіраем".

У той жа час, дадаў ён, на знешніх рынках растуць цэны на многія беларускія тавары. "Калі будзе назірацца рэзкі рост сусветных цэн па імпартуемых намі пазіцыях, гэта будзе мець пэўны эфект. У тым ліку па энерганосьбітах. Але мы гэта ўсё падлічваем, аналізуем і бачым, што сітуацыя абсалютна кіруемая", - рэзюмаваў Раман Галоўчанка.

версія для друку

зрабіць стартавай

дабавіць у выбранае