Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

8 Май 2015

НАН Беларусі зацікаўлена ў перайманні кітайскага вопыту па продажах навуковых распрацовак

8 мая, Мінск /Кар. БЕЛТА/. Нацыянальная акадэмія навук Беларусі зацікаўлена ў перайманні кітайскага вопыту ў сферы продажаў навуковых распрацовак. Аб гэтым карэспандэнту БЕЛТА паведаміў намеснік старшыні Прэзідыума НАН Беларусі Аляксандр Сукала.

"Нацыянальная акадэмія навук Беларусі прадае свае навуковыя распрацоўкі ў краіны Еўропы і Азіі, але супрацоўніцтва з кітайскімі калегамі было б вельмі карысна для развіцця ў гэтым напрамку. Мы зацікаўлены ў перайманні кітайскага маркетынгавага і гандлёвага вопыту", - сказаў Аляксандр Сукала.

Паводле яго слоў, кітайскі навуковы патэнцыял уяўляе для Нацыянальнай акадэміі навук вельмі вялікі інтарэс. "Цяпер найбольш актыўна супрацоўнічаюць з вучонымі і даследчыкамі з Кітайскай Народнай Рэспублікі Фізіка-тэхнічны інстытут, Інстытут фізікі імя Б.І.Сцяпанава, Інстытут хіміі новых матэрыялаў, Інстытут мікрабіялогіі, Цэнтральны батанічны сад. Сумесна распрацаваны шэраг праектаў, якія ўяўляюць узаемную значнасць", - канстатаваў намеснік старшыні Прэзідыума НАН.

"Для ўзаемнай карысці ажыццяўляецца і прадаўжае развівацца абмен спецыялістамі. Кітайскія вучоныя прыязджаюць у Беларусь, беларускія даследчыкі накіроўваюцца ў Кітай. У наш век інтэрнэту можа здацца, што гэта залішне, але наладжванне асабістых кантактаў у міжнародным акадэмічным асяроддзі значна садзейнічае наладжванню партнёрскіх дружалюбных адносін", - дадаў Аляксандр Сукала.

Цяпер Нацыянальная акадэмія навук Беларусі рэалізуе ў Кітаі праекты на суму больш як $4 млн. "Лічба добрая, але відавочна недастатковая. Яна не адпавядае нашаму патэнцыялу. На мой погляд, рэальна дабіцца паказчыка мінімум у 10 разоў больш", - лічыць намеснік старшыні.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс