У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Сак 2018

На БУТБ праведзена першая транзітная здзелка паміж дзвюма замежнымі кампаніямі

6 сакавіка, Мінск /Кар. БЕЛТА/. На электроннай гандлёвай пляцоўцы прамысловых і спажывецкіх тавараў (ПСТ) ААТ "Беларуская ўніверсальная таварная біржа" (БУТБ) упершыню праведзена здзелка паміж дзвюма кампаніямі, якія не з'яўляюцца рэзідэнтамі Беларусі. Аб гэтым карэспандэнту БЕЛТА паведаміў прэс-сакратар БУТБ Раман Яніў.

"Такія здзелкі называюцца транзітнымі, паколькі ні прадавец, ні пакупнік не ажыццяўляюць гаспадарчую дзейнасць на тэрыторыі Беларусі. У такім выпадку на заяўку аб продажы, размешчаную эстонскай кампаніяй, адгукнулася кампанія з Расіі", - растлумачыў Раман Яніў.

Прадметам закупкі стаў спецыяльны тэрмометр для вымярэння тэмпературы ў нафтавых свідравінах коштам 990 тыс. расійскіх рублёў ($17,5 тыс.). "Разлікі па здзелцы праводзіліся з выкарыстаннем рахункаў БУТБ па прынцыпе "пастаўка супраць плацяжу". Тым самым кампаніі застрахавалі сябе ад парушэння абавязацельстваў контрагентам. Магчымасць заключэння транзітных здзелак была першапачаткова прадугледжана рэгламентам пляцоўкі ПСТ, аднак да гэтага часу цікавасці да такога механізма замежныя ўдзельнікі таргоў не праяўлялі", - сказаў ён.

Пляцоўка ПСТ уяўляе сабой платформу электроннага гандлю для сегмента В2В - юрыдычных асоб і індывідуальных прадпрымальнікаў. Прадметам таргоў можа быць любы не выведзены з абароту тавар, пры гэтым інструментарый пляцоўкі дае магчымасць не толькі праводзіць закупкі на ўнутраным рынку, але і пастаўляць тавары на экспарт.

"Расійска-эстонская здзелка наглядна прадэманстравала запатрабаванасць пляцоўкі ПСТ як знешнегандлёвага інструмента", - лічаць у БУТБ.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс