Бізнес-навіны

Міжнародныя эксперты ацэняць работу Беларускай АЭС

Фота з архiва

7 сакавіка, Мінск /Кар. БЕЛТА/. Маскоўскі цэнтр Сусветнай асацыяцыі арганізацый, якія эксплуатуюць атамныя электрастанцыі (САА АЭС), з 10 па 26 сакавіка 2025 года правядзе планавую партнёрскую праверку на Беларускай АЭС, паведамілі БЕЛТА на атамнай станцыі.

Мэтай праверкі з'яўляецца аказанне падтрымкі АЭС у дасягненні высокіх паказчыкаў эксплуатацыі станцыі, пошуку найлепшых шляхоў вырашэння вытворчых праблем, павышэння бяспекі і надзейнасці атамнай электрастанцыі. Праверку правядзе каманда экспертаў САА АЭС. У яе складзе вопытныя спецыялісты з Расіі, Кітая, Ірана і Балгарыі.

Сумесна са спецыялістамі Беларускай АЭС эксперты правядуць абходы памяшканняў і абсталявання, назіранні, гутаркі з персаналам, у ходзе якіх будуць вывучаны пытанні эксплуатацыі АЭС, эфектыўнасці арганізацыйнай структуры, культуры ядзернай бяспекі, інжынерна-тэхнічнага забеспячэння, радыяцыйнай бяспекі, падрыхтоўкі персаналу і іншыя важныя аспекты.

Адзін раз у чатыры гады партнёрскія праверкі праходзяць на ўсіх атамных электрастанцыях свету, эскплуатуючыя арганізацыі якіх з'яўляюцца членамі САА АЭС. Акрамя выяўлення галін для паляпшэння, экспертамі вывучаюцца моцныя бакі на правяраемай АЭС з далейшым распаўсюджваннем перадавога вопыту бяспечнай эксплуатацыі на іншыя дзеючыя АЭС.

Беларуская АЭС з двума рэактарамі ВВЭР-1200 сумарнай магутнасцю 2400 МВт пабудавана па расійскім праекце "АЭС-2006", які адносіцца да эвалюцыйных праектаў АЭС з вода-вадзянымі рэактарамі трэцяга пакалення павышанай бяспекі. Яны маюць палепшаныя тэхніка-эканамічныя паказчыкі. Галоўная іх асаблівасць - унікальнае спалучэнне актыўных і пасіўных сістэм бяспекі.

версія для друку

зрабіць стартавай

дабавіць у выбранае