У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Крс 2016

Міжнародны інвестыцыйны форум пройдзе ў лістападзе ў Магілёўскай вобласці

13 красавіка, Магілёў /Марыя Ластачкіна - БЕЛТА/. Міжнародны інвестыцыйны форум "Млын поспеху" пройдзе 4-5 лістапада ў Магілёўскай вобласці, паведамілі карэспандэнту БЕЛТА ў камітэце эканомікі аблвыканкама.

Традыцыйнае мерапрыемства, якое праводзіцца раз у два гады, збярэ ў горадзе на Дняпры прадстаўнікоў вядомых сусветных банкаў, еўрапейскіх бізнес-арганізацый, рэгіянальных і рэспубліканскіх органаў улады, гандлёва-прамысловых палат больш як 30 краін свету.

"Самай галоўнай, а таксама самай папулярнай і наведвальнай падзеяй форуму стане выстаўка-прэзентацыя інвестыцыйных і інавацыйных праектаў рэгіёна, на якой будуць прадстаўлены лепшыя прапановы па прыярытэтных напрамках развіцця Магілёўшчыны", - адзначылі ў камітэце.

Удзельнікі форуму змогуць прыняць удзел у рабоце такіх секцый, як "Прамысловы сектар. СЭЗ "Магілёў". Вытворчасць будматэрыялаў", "Харчовая галіна і сельская гаспадарка", "Развіццё сферы турызму", "Беларуска-кітайская бізнес-сустрэча". Акрамя таго, яны змогуць азнаёміцца з умовамі вядзення бізнесу ў вобласці, нарматыўна-прававой базай і аб'ектамі нерухомай маёмасці.

У камітэце эканомікі падкрэслілі, што правядзенне форуму будзе садзейнічаць прыцягненню інвестыцый, развіццю экспарту, павышэнню канкурэнтаздольнасці прадукцыі таваравытворцаў Магілёўскай вобласці, наладжванню міжнародных эканамічных сувязей. Яго арганізатарам выступае Магілёўскі аблвыканкам сумесна з абласным аддзяленнем Беларускай гандлёва-прамысловай палаты.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс