Бізнес-навіны

МТЗ укарэніць новыя рашэнні на базе трактара BELARUS 1222.3, які атрымаў Знак якасці

Фота МТЗ

5 лютага, Мінск /Кар. БЕЛТА/. Мінскі трактарны завод удасканаліць флагманскую мадэль трактара BELARUS 1222.3. Аб гэтым БЕЛТА паведамілі ў прэс-службе прадпрыемства.

"У планах аснасціць базавую камплектацыю чатырохсекцыйным гідраўлічным размеркавальнікам, што дасць магчымасць замацоўваць на трактар больш складанае прычапное і навясное абсталяванне, у прыватнасці пасяўныя агрэгаты. Мы ўкараняем новую комплексную электронную сістэму кіравання трансмісіяй (КЭСК). Істотна зменіцца дызайн панэлі кіравання, замест клавішаў будуць устаноўлены кнопкі мембраннага тыпу з падсветкай. Гэта створыць для вадзіцеля дадатковыя зручнасці кіравання вузламі трансмісіі. Доследны ўзор з новым размеркавальнікам і КЭСК ужо знаходзіцца ў цэху выпрабаванняў", - расказаў начальнік канструктарскага бюро агульнай кампаноўкі трактароў 130-240 к. с. УКЭР-1 Ягор Ржаноўскі.

У 2024 годзе МТЗ вырабіў больш як 800 трактароў BELARUS 1222.3. Мадэль удастоена Дзяржаўнага знака якасці Рэспублікі Беларусь.

Мінскі трактарны завод - вядучы сусветны вытворца сельскагаспадарчай тэхнікі. За амаль 80-гадовую гісторыю на заводзе выраблена каля 4,1 млн трактароў, цяпер тэхніка выпускаецца пад брэндам BELARUS.

версія для друку

зрабіць стартавай

дабавіць у выбранае