Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Mar 2022

Мішусцін: РФ і Беларусь лічаць неабходным узмацніць кааперацыю на фоне заходніх санкцый

Мішусцін: РФ і Беларусь лічаць неабходным узмацніць кааперацыю на фоне заходніх санкцый

14 сакавіка, Мінск /Кар. БЕЛТА/. Масква і Мінск на фоне заходніх санкцый прымаюць скаардынаваныя меры для забеспячэння эканамічнай бяспекі і лічаць неабходным узмацніць кааперацыю ў Саюзнай дзяржаве. Аб гэтым заявіў старшыня ўрада РФ Міхаіл Мішусцін на сустрэчы з прэм'ер-міністрам Беларусі Раманам Галоўчанкам, паведамляе ТАСС.

Міхаіл Мішусцін адзначыў, што краіны Захаду сёння аказваюць на РФ і Беларусь маштабны санкцыйны націск, мэтай якога з'яўляецца падрыў эканамічнага патэнцыялу дзвюх дзяржаў, ускладненне работы фінансавых сістэм, разрыў вытворчых ланцужкоў і ў канчатковым выніку пагаршэнне якасці жыцця грамадзян.

"І ў гэтай сітуацыі мы прымаем скаардынаваныя меры, каб абараніць нашу эканамічную бяспеку і тэхналагічны суверэнітэт Расіі і Беларусі. Перш за ўсё, лічым неабходным узмацніць інтэграцыю ў Саюзнай дзяржаве", - адзначыў Мішусцін.

Паводле яго слоў, надзейную аснову для гэтага ствараюць 28 саюзных праграм, зацверджаных у лістападзе мінулага года Вышэйшым дзяржсаветам Саюзнай дзяржавы. Яны прадугледжваюць стварэнне адзінай эканамічнай і сацыяльнай прасторы, глыбокую кааперацыю ў прамысловасці, энергетыцы, сельскай гаспадарцы, лічбавай эканоміцы, транспартнай сферы і многіх іншых галінах.

"Мы актыўна займаемся збліжэннем нашай рэгуляторыкі ў падатковай, у мытнай сферы, у антыманапольным заканадаўстве. Фарміруем таксама агульныя правілы работы ў фінансавай і банкаўскіх галінах", - расказаў кіраўнік расійскага Кабміна.

Мішусцін падкрэсліў, што важна сумеснымі намаганнямі забяспечыць далейшы рост тавараабароту паміж Расіяй і Беларуссю. У мінулым годзе ён павялічыўся прыкладна на 34 працэнты ў параўнанні з 2020 годам і дасягнуў $38,5 млрд.

Старшыня ўрада РФ звярнуў увагу, што дзве краіны прадаўжаюць рэалізацыю значных інвестпраектаў, паскараюць запуск новых ініцыятыў і будуць умацоўваць ланцужкі ўзаемных паставак тавараў і паслуг, пашыраць праграмы імпартазамяшчэння.

"Самае галоўнае - вызначым новыя пункты росту эканомік Расіі і Беларусі. Перакананы, што нелегітымныя эканамічныя санкцыі не змогуць перашкодзіць інтэграцыі ў Саюзнай дзяржаве і далейшаму развіццю нашых братэрскіх адносін", - рэзюмаваў ён.

Расійскі прэм'ер дадаў, што Масква гатова абмеркаваць на перагаворах самыя актуальныя пытанні двухбаковага гандлёва-эканамічнага супрацоўніцтва, якія былі пастаўлены прэзідэнтамі дзвюх краін.

Акрамя таго, Мішусцін падзякаваў беларускім калегам за канструктыўную ацэнку сітуацыі вакол Украіны. Паводле слоў Мішусціна, Масква даражыць саюзніцкімі і партнёрскімі ўзаемаадносінамі з Мінскам.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі