Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Mar 2021

Міністэрства аховы здароўя ўпэўнена ў поспеху стварэння айчыннай вакцыны супраць COVID-19

Міністэрства аховы здароўя ўпэўнена ў поспеху стварэння айчыннай вакцыны супраць COVID-19

10 сакавіка, Мінск /Кар. БЕЛТА/. Міністэрства аховы здароўя ўпэўнена, што работа па стварэнні айчыннай вакцыны супраць COVID-19 завершыцца паспяхова, заявіў журналістам міністр аховы здароўя Дзмітрый Піневіч пасля наведвання РНПЦ эпідэміялогіі і мікрабіялогіі, перадае карэспандэнт БЕЛТА.

"Вакцына будзе распрацавана - у нас сумненняў у гэтым няма. Іншае пытанне, што стварэнне айчыннай вакцыны мае шэраг неабходных умоў", - сказаў Дзмітрый Піневіч. Ён растлумачыў, што размова ідзе не толькі аб стварэнні прататыпа вакцыны, атрыманні малых партый, але і аб прамысловай вытворчасці.

"Створана комплексная група, працуе не адзін цэнтр. Асноўная работа сканцэнтравана на базе ўстаноў Міністэрства аховы здароўя, у прыватнасці, гэтага РНПЦ. Але поспех магчымы пры сумеснай рабоце з зацікаўленымі калегамі, у тым ліку з Акадэміі навук, ВНУ", - адзначыў міністр.

Паводле яго слоў, устаноўлены даволі жорсткія тэрміны. Стварыць прататып вакцыны плануецца да пачатку восені, а да канца года - доследна-прамысловую партыю. Навуковы патэнцыял беларускіх спецыялістаў гэта дазваляе зрабіць, запэўніў Дзмітрый Піневіч. Разам з тым на прамысловую вытворчасць і правядзенне выпрабаванняў таксама патрабуецца час. Міністр паведаміў, што гэтыя пытанні ўзнімаліся сёння на пашыранай нарадзе, якая прайшла ў РНПЦ эпідэміялогіі і мікрабіялогіі пад кіраўніцтвам прэм'ер-міністра Рамана Галоўчанкі.

Гаворачы пра перспектывы з'яўлення айчыннай вакцыны, намеснік міністра аховы здароўя - галоўны дзяржаўны санітарны ўрач Аляксандр Тарасенка адзначыў, што ўсе магчымасці для гэтага ёсць. У РНПЦ ёсць вопыт стварэння вакцын, у прыватнасці, супраць шаленства. Існуючае ў цэнтры абсталяванне дае магчымасць правесці першыя этапы работы. Больш таго, сфарміраваны пералік неабходнага высокатэхналагічнага абсталявання, якое плануецца да закупкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі