Бізнес-навіны

Мінская вобласць і Татарстан абазначылі перспектывы сумесных праектаў у АПК

Фота Мінскага аблвыканкама

17 лютага, Мінск /Кар. БЕЛТА/. У Міністэрстве сельскай гаспадаркі і харчавання Татарстана прайшла рабочая сустрэча з дэлегацыяй Мінскай вобласці, паведамілі БЕЛТА ў Мінскім аблвыканкаме.

Старшыня аблвыканкама Аляксей Кушнарэнка адзначыў, што Татарстан уваходзіць у лік рэгіёнаў з інтэнсіўнай сельскай гаспадаркай і займае вядучыя пазіцыі ў Расіі. Мінская вобласць таксама з'яўляецца адным з лідараў у Беларусі. У гэтым рэгіёне вырабляецца больш за чвэрць усёй прадукцыі раслінаводства і жывёлагадоўлі краіны.

Па выніках 2025 года тавараабарот у аграрнай сферы паміж бакамі паказаў супастаўныя аб'ёмы: з Беларусі ў Татарстан было імпартавана прадукцыі на $48,8 млн, а экспарт з Татарстана склаў $50,2 млн.

Таксама бакі абмеркавалі перспектывы далейшага супрацоўніцтва, пашырэнне экспартных паставак і магчымыя сумесныя праекты ў раслінаводстве, жывёлагадоўлі і механізацыі сельскай гаспадаркі.

версія для друку

зрабіць стартавай

дабавіць у выбранае