Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

26 Aug 2021

Мінскі маторны завод павялічыў пастаўкі рухавікоў на Кубу

Мінскі маторны завод павялічыў пастаўкі рухавікоў на Кубу
Фота ММЗ

26 жніўня, Мінск /Кар. БЕЛТА/. Мінскі маторны завод павялічыў пастаўкі рухавікоў на Кубу, паведамілі карэспандэнту БЕЛТА ў прэс-службе ААТ "ККХ "ММЗ".

У сувязі з сусветнай эпідэміялагічнай сітуацыяй і складанасцямі ў арганізацыі лагістычных транспарціровак, у мінулым годзе на Кубу ММЗ паставіў толькі паўтара дзясятка рухавікоў. Але ў бягучым годзе кубінскі дылер, які працуе з Мінскім маторным заводам, павялічыў заяўку на беларускія маторы.

На Кубу ўжо адправіліся 16 рухавікоў. Больш за 30 - рыхтуюцца да адпраўкі і будуць адгружаны ў верасні. Да канца года дылер гатовы рэалізаваць больш за тры дзясяткі матораў.

"Рухавікі прызначаны для пераабсталявання былых ва ўжыванні трактароў ЮМЗ і аўтамабіляў ЗІЛ. На Кубу адпраўляюцца маторы Д-242, Д-245.9Е2 і Д-245.12S. У жніўні і верасні адправяць рухавікі Д-243 у складзе 260 трактароў Мінскага трактарнага завода, які таксама аднавіў пастаўкі на Востраў Свабоды", - расказалі ў прэс-службе.

Як адзначылі на прадпрыемстве, не менш экзатычнае падарожжа беларускую тэхніку чакае і ў кастрычніку. Пункт назначэння - Судан. Гэта будуць трактары BELARUS-800 і BELARUS-92 з рухавікамі Мінскага маторнага завода Д-243 і Д-243.1.

Мінскі маторны завод - вытворца сучасных дызельных, газадызельных, газапоршневых рухавікоў. Спецыялізуецца на распрацоўцы, праектаванні і вырабе сучасных трох-, чатырох-, шасці- і васьміцыліндравых рухавікоў. На заводзе выпускаюць больш за 100 мадыфікацый рухавікоў у дыяпазоне магутнасці ад 7 да 330 кВт, прызначаных для ўстаноўкі на сельскагаспадарчую, дарожна-будаўнічую тэхніку, аўтамабілі і аўтобусы, энергаўстаноўкі, кампрэсары і іншыя агрэгаты. Рухавікі ММЗ пастаўляюцца на канвееры 49 прадпрыемстваў Беларусі, краін СНД і далёкага замежжа, прадукцыя прадаецца ў больш як 50 краін Еўропы, Азіі, Афрыкі, Паўночнай і Лацінскай Амерыкі. Пры вытворчасці рухавікоў выкарыстоўваюцца камплектуючыя сусветна вядомых кампаній.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі