Бізнес-навіны

Мінскі аўтазавод прадставіў тэхніку на выстаўцы ў Кішынёве

18 кастрычніка, Мінск /Кар. БЕЛТА/. Мінскі аўтамабільны завод прадставіў тэхніку на міжнароднай спецыялізаванай выстаўцы машын, абсталявання і тэхналогій для аграпрамысловага комплексу Moldagrotech, якая прайшла 13-16 кастрычніка ў Кішынёве. Аб гэтым паведамілі БЕЛТА ў прэс-службе прадпрыемства.

Мінскі аўтазавод сумесна з афіцыйным дылерам кампаніяй CBS Motors прадставіў самазвал МАЗ-651308 і аўтобус МАЗ-206946, які працуе на сціснутым прыродным газе. "Фармат выстаўкі прадастаўляе ўдзельнікам выдатную магчымасць знайсці новых дзелавых партнёраў, пашырыць рынкі збыту, устанавіць доўгатэрміновыя кантакты з вытворчымі прадпрыемствамі, навуковымі ўстановамі з Малдовы і краін свету", - расказалі ў прэс-службе.

Выстаўка прайшла пры падтрымцы Міністэрства сельскай гаспадаркі і харчовай прамысловасці Малдовы. Надзвычайны і Паўнамоцны Пасол Беларусі ў гэтай краіне Анатоль Калінін наведаў экспазіцыю Мінскага аўтамабільнага завода.

Moldagrotech з'яўляецца штогадовай падзеяй, якая вызначае вектар развіцця аграпрамысловага комплексу Малдовы і прэзентуе дасягненні лепшых гаспадарак і сельскагаспадарчых прадпрыемстваў усіх абласцей краіны, агляд іх дзейнасці і абмену пазітыўным вопытам у рабоце.

Мінскі аўтамабільны завод - адно з буйнейшых беларускіх машынабудаўнічых прадпрыемстваў, якое спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Гандлёвая марка МАЗ шырока вядома ў СНД і далёкім замежжы. Тэхніка адпавядае экалагічным стандартам Еўра-3, 4, 5, 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і 3 тыс. мадыфікацый.

версія для друку

зрабіць стартавай

дабавіць у выбранае