Бізнес-навіны
Мінсельгасхарч: унутраны рынак у поўнай меры забяспечаны мясам, малаком і мукой
Фота з архiва
10 сакавіка, Мінск /Кар. БЕЛТА/. У Беларусі ў поўнай меры забяспечваецца патрэбнасць унутранага рынку ў мясной, малочнай і мукамольна-крупяной прадукцыі, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.
"У Беларусі ў поўнай меры забяспечваецца патрэбнасць унутранага рынку ў прадуктах перапрацоўкі з малака і мяса за кошт уласнай вытворчасці. Арганізацыямі мясной і малочнай прамысловасці краіны выпускаюцца прадукты высокай якасці ў шырокім асартыменце. Пастаўка прадукцыі гандлёвым арганізацыям ажыццяўляецца на падставе заключаных дагавораў у адпаведнасці з заяўкамі", - расказалі ў прэс-службе.
Удзельная вага продажу айчыннай прадукцыі ў рознічным тавараабароце складае: сыры - 91,5 працэнта; сметанковае масла - 99,9 працэнта; мяса і мясныя прадукты - 99,7 працэнта, у тым ліку свініна - 99,98 працэнта, ялавічына - 99 працэнтаў, мяса птушкі - 99,9 працэнта, харчовыя субпрадукты - 99,8 працэнта, мясныя кансервы - 95,8 працэнта; макаронныя вырабы - 65 працэнтаў; мука - 94,6 працэнта; аўсяныя камякі і крупы - 93 працэнты.
Арганізацыі сістэмы Мінсельгасхарча за студзень 2022 года забяспечылі рост перапрацоўкі малака на 1,9 працэнта, жывёлы на 9,4 працэнта. Тэмп росту вытворчасці прадукцыі склаў: масла - 104 працэнты, сыроў - 106 працэнтаў, у тым ліку цвёрдых і паўцвёрдых - 104,1 працэнта, натуральнамалочнай прадукцыі - 103,5 працэнта, сухога натуральнага малака - 149,2 працэнта, ялавічыны - 116,5 працэнта, каўбасных вырабаў - 104,6 працэнта, мясных паўфабрыкатаў - 131,6 працэнта, мясных кансерваў - 106,8 працэнта.
"Дзейнасць перапрацоўчых прадпрыемстваў забяспечвае перапрацоўку жывёлагадоўчай сыравіны ў поўным аб'ёме, ёсць рэзервы незадзейнічаных вытворчых магутнасцей, таму пры неабходнасці выпуск прадукцыі будзе павялічаны", - падкрэслілі ў прэс-службе.
На складах перапрацоўчых арганізацый падтрымліваецца дастатковы запас асноўных відаў прадуктаў харчавання: мяса (ялавічына, свініна), мясных кансерваў, масла, малочных кансерваў. Так, у сакавіку 2022 года ён складае: сметанковае масла - 3, 2 тыс. т (або ў 2, 2 раза больш за месячную патрэбнасць унутранага спажывецкага рынку), спелыя сыры - 5,5 тыс. т (у 2, 2 разп больш), малочныя кансервы - 2,9 млн умоўных слоікаў (143,2 працэнта месячнай патрэбнасці), сухія малочныя сумесі для дзіцячага харчавання 1,012 тыс. т (двайны запас ад штомесячнага аб'ёму вытворчасці), ялавічына - 3,4 тыс. т (у 4 разы больш) і іншая прадукцыя.
Наяўнасць мукамольна-крупяной прадукцыі ў арганізацыях хлебапрадуктаў і збожжавых для іх вытворчасці таксама дастаткова для забеспячэння патрэбнасці ўнутранага рынку да новага ўраджаю 2022 года, падкрэслілі ў ведамстве.
Паводле даных Еўракамісіі, за студзень - снежань 2021 года Беларусь займае ў сусветным рэйтынгу экспарцёраў малакапрадуктаў трэцюю пазіцыю па экспарце масла (пасля Новай Зеландыі і ЕС), трэцяе месца па экспарце згушчанага малака (пасля ЕС і Малайзіі), трэцюю пазіцыю па экспарце сухой малочнай сыроваткі і прадуктаў на яе аснове (пасля ЕС і ЗША), чацвёртую пазіцыю па экспарце сыру (пасля ЕС, ЗША, Новай Зеландыі), пятае месца па экспарце сухога абястлушчанага малака (пасля ЗША, ЕС, Новай Зеландыі, Аўстраліі).
версія для друку
зрабіць стартавай
дабавіць у выбранае