У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

8 Ліс 2018

Мінсельгасхарч: экспарт беларускай сельгаспрадукцыі ў Кітай па выніках года дасягне $100 млн

Мінсельгасхарч: экспарт беларускай сельгаспрадукцыі ў Кітай па выніках года дасягне $100 млн

8 лістапада, Мінск /Кар. БЕЛТА/. Экспарт беларускай сельскагаспадарчай прадукцыі ў Кітай па выніках 2018 года складзе каля $100 млн, паведамілі карэспандэнту БЕЛТА ў Міністэрстве сельскай гаспадаркі і харчавання.

Гэтымі днямі дэлегацыя прыняла ўдзел у адкрыцці першай кітайскай выстаўкі імпарту ў Шанхаі (China International Import Expo), у час якой прайшоў міжнародны эканамічны форум "Радужны мост". "Міністр сельскай гаспадаркі і харчавання Леанід Заяц прэзентаваў на гэтым форуме экспартны патэнцыял аграпрамысловага комплексу Беларусі ў плане паставак на кітайскі рынак. Паводле яго слоў, да канца бягучага года экспарт беларускай сельгаспрадукцыі ў Кітайскую Народную Рэспубліку дасягне $100 млн", - адзначыў начальнік галоўнага ўпраўлення знешнеэканамічнай дзейнасці Мінсельгасхарча Аляксей Багданаў, які ў складзе беларускай дэлегацыі знаходзіцца ў Кітаі.

Па выніках студзеня-верасня гэтага года Беларусь паставіла ў Кітай прадуктаў харчавання на $52 млн. Лідзіруючыя пазіцыі ў беларускім экспарце займае малочная прадукцыя, пастаўкі якой у параўнанні з аналагічным узроўнем 2017 года выраслі ў 9 разоў.

Беларускія прадукты карыстаюцца вялікім попытам у Кітаі. Гэта чарговы раз пацвердзіла і шанхайская выстаўка. "Наша экспазіцыя, на якой прадстаўлена большасць айчынных мяса-малочных прадпрыемстваў, а таксама хлебабулачная прадукцыя, вельмі папулярная як сярод звычайных наведвальнікаў, так і прадстаўнікоў бізнесу", - сказаў Аляксей Багданаў.

Сёння беларуская дэлегацыя знаходзіцца ў кітайскім горадзе Чунцын, дзе ўрачыста сустрэлі трэці поезд з беларускай малочнай прадукцыяй, які складаецца з 41 кантэйнера агульнай вагой 1 тыс. 25 т. Паводле слоў начальніка галоўнага ўпраўлення, пачата ўжо фарміраванне чацвёртага поезда. У бліжэйшы час плануецца выйсці на штотыднёвы графік адпраўкі паяздоў з беларускай сельгаспрадукцыяй у Чунцын.

"Акрамя таго, сёння адбыліся перагаворы ў мэрыі (г.Чунцын. - Заўвага БЕЛТА), па выніках якіх падпісаны кантракт на пастаўку ў 2019 годзе беларуска-кітайскай кампаніі Sinoby Agriculture малочнай прадукцыі", - падагульніў Аляксей Багданаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс